Arianit Xhaferi nga organizata Eco Guerilla ka thënë se ata në vazhdimësi kanë alarmuar se në vendin që sot po digjen mbeturinat ka mundësi të ndodh diçka edhe më e keqe, dhe ja që sot, sipas tij ndodhi ajo që kanë paralajmëruar.
“Kjo ishte kulmi i një procesi të vrasjes së ngadalshme që po i bëhet qytetarëve të Tetovës, fëmijëve dhe brezave të ardhshme”, ka thënë Xhaferi.
Ai ka thënë se kryetarja e Tetovës, Teuta Arifi nuk i ka sjellë mbeturinat, por se i ka gjetur ato dhe ashtu po i le.
“Në këtë vend ku jemi ne sot, në mars të vitit 2013, premtoi se kjo do të ishte prioritet i administratës së saj dhe se deponia do të zgjidhej në mënyrë të shpejtë dhe efikase. Dhe ja katër vite më vonë në shohim që kjo deponi e egër të digjet dhe të mbuloj tymi kancerogen tërë qytetin”, ka thënë Xhaferi për SHENJA.