Seksioni për Krimin Ekonomik në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar operacionin para dy ditësh "Piraterira", ku si rezultat është bërë arrestimi në flagrancë i një personi.
Blutë e Tiranës bëjnë me dije se në pranga është vënë Lorenc Teranaj, 48 vjeç, banues në Tiranë, i dënuar më parë për "Trafik narkotikësh".
Ndërsa, mësohet se janë proceduar penalisht E. Th, 48 vjeç, dhe A. C, 40 vjeç, të dy banues në Tiranë,
Nga kontrollet e ushtruara në ambientet e përdorura për lojëra fatesh, nga personat sipërpërmendur, janë konstatuar edhe sekuestruar në cilësinë e provës materiale:
Në ambientet në përdorim të shtetasit Lorenc Teranaj, janë gjetur:
- 6 aparatura elektronike lojërash fati
- 5 aparate trasmetues Dream Box (shërbejn për trasmetimin e ndeshjve në mënyrë pirate)
- 1 tavolinë pokeri
Në ambientet në përdorim të E. Th. dhe A. C., janë gjetur:
- 10 aparate transmetues Dream Box (shërbejnë për transmetimin e ndeshjeve në mënyrë pirate)
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprat penale, "Fshehja e të ardhurave", "Organizimi i lotarive të palejuara" dhe "Vënia në dispozicion e lokaleve për lojra të palejuara".
