Shënohet incidenti i parë në qendrat e votimit pas nisjes së procesit dy orë më parë.
Incidenti është shënuar në shkollën “Dhora Leka” pranë fushës së aviacionit, në Tiranë në QV me Nr. 1886/1, ku ka pasur një konfrontim fizik mes komisionerëve, pasi disa persona kanë shoqëruar në ambientet e QV-së familjarët e tyre të moshuar për të votuar.
Procesi i votimi është ndërprerë për momentin, ndërsa policia nuk ka ndërhyrë pa marrë më parë autorizmin nga KQZ.
Është kërkuar ndërhyrja e KQZ-së për të zgjidhur situatën dhe rinisur procesin e votimit.
