Një grup turistësh të ardhur nga Norvegjia kanë mbërritur në Parkun e Divjakës, ku janë njohur me florën dhe faunën e zonës si dhe me mënyrën e menaxhimit të saj.
Të shoqëruar nga ciceronët e AdZM-së së parkut, ata vizituan Ishullin e Pelikanit, Lagunën e Mjellmave dhe vendqëndrime të tjera të shpendëve në lagunë.
Në librin e përshtypjeve ata lanë mbresat e tyre më të mira për këtë vizitë dhe premtuan rikthim të shpejtë së bashku me miqtë e tyre të rinj.
Divjaka nuk dominohet vetëm nga një natyrë befasuese për peizazhet e saja por edhe për një mikpritje e kulinari tradicionale ku dominojnë prodhimet e detit dhe ato bujqësore të freskëta.
