Skuadra e Tiranës në volejboll për femra ka zyrtarizuar transferimin e kubanezes Yanisleydis Sanchez, e cila do të luajë me bardheblutë sezonin e ri 2023-2024.
Një lojtare që më së shumti aktivizohet në volejbollin e plazhit, çka e konfirmoi edhe prania e saj në turneun e Tirana Open, zhvilluar pak ditë më parë.
Gjithsesi, lojtarja 27-vjeçare, 1.77 metra e gjatë, do të zbresë edhe në parket gjatë sezonit të ri, duke qenë përforcimi i radhës për skuadrën e trajnerit Hasan Gurabardhi.
Më herët, për Tiranën kanë firmosur edhe volejbollistet Enkeleda Braho, Uenda Bytyçi dhe Lulieta Stërmilla.
Klubi i Tiranës sqaron se Sanchez nuk do të jetë përforcimi i vetëm i huaj për sezonin e ri. Bardheblutë premtojnë një tjetër goditje të fuqishme në merkato në ditët që pasojnë, duke ndërtuar kështu një ekip pretendent për titullin kampion, trofe ëq mungon prej disa sezonesh.
