Garuesja e talentuar, Fjolla Kelmendi (48 kg), u ballafaqua me rusen Anastasia Pavlenko. Kelmendi fitoi medaljen e bronztë në turneun Grand Slam që u mbajt në Zagreb. Trimëresha e kombëtares së Kosovës bëri paraqitje fantastike ndaj ruses dhe bëri sensacion me këtë triumf. Ajo menaxhoi luftën për mrekulli, duke udhëhequr qysh në minutën e dytë. Pak sekonda pa përfunduar lufta, Fjolla e ka dërrmuar kundërshtaren, saqë në një moment e ka emocionuar shumë edhe kampionin olimpike, Majlinda Kelmendin, e cila është e pranishme në këtë ngjarje të madhe. Në rrethin e parë, Fjolla demoloi rusen Sabina Giliazova, duke e mposhtur për 3 minuta e 56 sekonda, pastaj humbi për 3 minuta e 4 sekonda nga polakja Ewa Konieczny. Xhudistja jonë në repezash në luftë për medaljen e bronztë e mundi kroaten Sara Matijasheviç për 2 minuta e 16 sekonda dhe së fundi rusen Anastasia Pavlenko. Një luftë e fortë dhe zgjati 3 minuta e 59 sekonda.