Deri në orën 23:00, rezultatet preliminare në zgjedhjet për kryetar komune në Ferizaj ishin të ndryshme. PDK-ja festonte hyrjen në balotazh me 40 për qind, me arsenal të fishekzjarrëve të përgatitur për fitore, kurse LDK-ja me 34 për qind me xhiro automjetesh. Mirëpo asnjëra nga selitë e partive politike nuk kishte marrë zemër të ftonte konferencë shtypi.
Në anën tjetër, Armend Pajaziti nga DnV-ja në Ferziaj, nuk ishte në gjendje të jepte shifra në përqindje, por theksoi për KD-në se “kandidati i PDK-së prin me më se 1 000 vota më shumë se ai i LDK-së, por nuk i kemi shifrat e plota nisur nga fakti se në disa vendvotime janë numëruar në fillim votat për këshilltarë të asamblesë komunale, andaj kemi ngecur pa rezultate”.
Sidoqoftë, Agim Aliu i PDK-së, me 40 për qind të votave, dhe Muharrem Svarqa i LDK-së me mbi 34 për qind, do të jenë në balotazh.