Deputetja më e zëshme britanike në raport me Kosovën, Alicia Kearns, ka bërë të ditur se i gjithë Batalioni i Parë i Regjimentit Mbretëror të Princeshës së Uellsit, është dislokuar në Kosovë, nën komandën e NATO-s, si pjesë e forcës së KFOR-it.
Këtë ajo shkruan se e konfirmon, Grant Shapps, sekretar i Shtetit për Mbrojtje në Mbretërinë e Bashkuar.
Mes tjerash Kearns, shkruan se mosndëshkimi ngjall përbuzje për sundimin e ligjit.
”Lëvizje e rëndësishme drejt parandalimit të pasojave në Ballkan derisa @grantshapps konfirmon dislokimin e të gjithë Batalionit të Parë të Regjimentit Mbretëror të Princeshës së Uellsit në Kosovë nën komandën e NATO/KFOR-it.
Mosndëshkimi ngjall përbuzje për sundimin e ligjit dhe rendit: frenoni, mbroni dhe mbani përgjegjësi”.
