Korça mund të cilësohet shtëpia verore për Luiza Gegën, e cila përgatitet në qytetin vërtet klimaterik, për garat më të rëndësishme të vitit.
Pasi arriti shumë në qershor e korrik, ajo gjithmonë ka pasur itinerarin vajtje-ardhje, me qendrën e stërvitjes në pistën e stadiumit “Skënderbeu”, apo edhe në Dardhë.
Gjithsesi, Gegës i ka mbetur një kulm, dhe ky është kampionati botëror që zhvillohet në gusht në Hungari.
Trajneri i saj, njëkohësisht president i Federatës Shqiptare të Atletikës, Taulant Stërmasi, flet gjithashtu për çfarë kërkohet në Botëror.
