Mbi 11 mijë njerëz pritet të zbarkojnë Durrës, ankesa për kushtet te trageteve - Bota Sot
Mbi 11 mijë njerëz pritet të zbarkojnë Durrës, ankesa për kushtet te trageteve

Durrësi

E mërkurë, 19 shtator 2018

Mbi 11 mijë njerëz pritet të zbarkojnë Durrës, ankesa për kushtet te trageteve

Më: 12 gusht 2018 Në ora: 10:01
Durrës

Vijon fluksi i personave që po hyjnë në Shqipëri në këto ditë të nxehta vere, nga deti, ajri dhe toka.

Krahas turistëve të huaj, që vijnë për të vizituar vendin tonë, në këtë periudhë kthehen edhe një numër i lartë shqiptarësh, që jetojnë në emigrim.

Porti i Durrësit është një nga portat kryesore të kthimit të emigrantëve, ndërsa çdo ditë përballet me një fluks të madh shtetasish që hyjnë në Shqipëri.

Edhe sot njoftohet se nga Bari dhe Ankona pritet të mbërrijnë 7 tragete udhëtarësh me rreth 11 mijë persona e qindra makina në bord. Gjithsesi, si gjithmonë në raste të tilla, edhe këtë herë janë paraqitur probleme me zbatimin e orareve të nisjes së trageteve nga Italia.

Gjithashtu, në linjë telefonike, shumë pasagjerë shprehen të pakënaqur me kushtet në tragete, ku mungon ventilimi apo ajri i kondicionuar, aq shumë i domosdoshëm në rastet kur mjetet janë të tejmbushura me udhëtarë.

Sot mund të lexoni Shfletoni kopertinat
Sondazh
test