Ndërhyrje policore me shkaktimin e një vdekje njerëzore ka ndodhur mbrëmë, kur një polic qëlloi me armë zjarri grabitësin e dyshuar në një shtëpi në Herten (pranë Recklinghausen), shkruan BILD.
Viktima duhet të ketë qenë agresor me pronarët, ndërsa alarmimi në polici kishte mbërritur rreth orës 19.02. I ndjeri kishte lëvizur nga një ballkon në ballkonin tjetër dhe kishte kërcënuar me thikë disa banorë.
“Forcat policore sapo arritën në vendngjarje u kërcënuan me thikë nga burri. Në këto momente njëri nga policët nxori armën dhe e qëlloi sëpaku njëherë. Ai vdiq në vendngjarje,” përcjell botasot.info.
Kufoma është dërguar për obdukcion, ndërsa asnjë polic nuk mbeti i plagosur. Në prill 2016 një ngjarje e ngjashme ndodhi në Gjermani, kur kësaj here pronari (63) qëlloi për vdekje grabitësin shqiptar (18)./Bota sot/
