Në Sallën e Kongreseve të St. Wolfgang afër Salzburgut të Austrisë filloi punimet Kongresi i 13-të i Federatës Evropiane të Hendbollit i cili është zgjedhor, dhe pritet të zgjidhet presidenti i ri i EHF-it, Komiteti Ekzekutiv si dhe Komisionet tjera shimë të rëndësishme, ku pjesë e votimeve do te jenë edhe zyrtarë nga Federata e Hendbollit e Kosovës.
FHK-në në Kongres i cili zgjatë dy ditë (17 dhe 18 nëntor) po e prezantojnë presidenti Eugen Saraçini, anëtarja e Bordit Shqipe Bajçinca dhe sekretari i përgjithshëm Izet Gjinovci.
Delegacioni kosovarë përveç pjesëmarrjes në punimet e Kongresit do te ketë takime me zyrtarët e lartë të EHF-it, IHF-it dhe federatave tjera pjesëmarrëse, për ti ngritur sa më shumë kapacitetet e FHK-së si në infrastrukturë, gritje profesionale por edhe mbështetje materiale dhe pajisje sportive.
EHF-i gjatë Kongresit do te kremton edhe 25 vjetorin e themelimit (1991-2016).
