Policia e komunikacionit rrugor në Ferizaj ka shqiptuar 18 gjobë kundërvajtëse ndaj motoçiklistëve për shkak të parregullsive të dokumenteve.
Sipas njoftimit të policisë thuhet se policia e komunikacionit rrugor në Ferizaj ka vazhduar së zbatuari planin operativ ‘’ Skuteri’’. Në kuadër të këtij aktiviteti sot, policia ka ndaluar dhe kontrolluar disa motoçikleta dhe për shkak parregullsive të dokumenteve, policia ka shqiptuar 18 gjoba kundërvajtëse, prej tyre:
Drejtimi i motoçikletës pa regjistrim, 12 gjoba
Drejtimi i motoçikletës pa patentë shofer, 1 gjoba
Drejtimi i motoçikletës pa helmet, 1 gjoba
Motoçikleta të konfiskuara, 4
Sipas tyre, policia e komunikacionit rrugor në Ferizaj, do të vazhdojë me aktivitete të tilla edhe në ditët në vijim, më qëllim parandalimin e aksidenteve në komunikacion dhe respektimin e ligjit të komunikacionit rrugor.
“Apelojmë tek motoçiklistët që ti respektojnë rregullat dhe ligjin e komunikacionit rrugor, të jenë të kujdesshëm në komunikacion dhe të pajisen me dokumentacion të rregullt”, thuhet në njoftim.
