Edhe kryetari i Komunës së Bujanocit Nagip Arifi ka reaguar pas largimit të flamurit kombëtar shqiptar tek përmendorja e dëshmorit Fatmir Ibishi.
Ai tha se veprimi i përdhosjes së flamurit kombëtar shqiptar tek përmendorja e dëshmorit të kombit Fatmir Ibishi në Konçul është i papranueshëm dhe një provokim për destabilizim të situatës në komunën e Bujanocit.
"Dënoj ashpër një akt të tillë, i cili rrezikon paqen në Bujanoc, por edhe në Luginë të Preshevës", tha Arifi.
Kryetari i Bujanocit shtoi se pas këtij incidenti, menjëherë ka njoftuar Ambasadën e SHBA-së në Beograd, Ambasadën e Republikës së Shqipërisë në Beograd, atë të Republikës së Kosovës, si dhe Misionin e OSBE-së për rastin në fjalë.
Megjithatë, apeloj qytetarët që te ruajnë gjakftohësinë dhe mos të bien pre e këtyre provokimeve, sepse flamurin tone kombëtar askush nuk mund ta përdhosë, ndërsa ftoj organet e rendit që të marrin masa për gjetjen e akterëve të këtij akti vandal.
