Sonte rreth orës 20:00 në Kishnicë të Novo Bërdos, në drejtim të një shtëpie është hedhur një shishe që dyshohet të ketë qenë e mbushur me substancë në gjendje të lëngshme.
Lajmi për KosovaPress është bërë i ditur nga Flora Ahmeti, zëdhënëse e policisë rajonale për Prishtinë.
“Shishja që dyshohet të ketë qenë e mbushur me substancë në gjendje të lëngshme, ka mbetur të konfirmohet pas ekzaminimeve të nevojshme. Nuk raportohet për persona të lënduar e as për dëme materiale. Policia ka dalë në vendin e ngjarjes dhe në koordinim me prokurorin e shtetit menjëherë ka ndërmarrë veprimet hetimore preliminare, të cilat aktualisht sugjerojnë që rasti është i izoluar në vetvete dhe të gjitha indiciet orientojnë në drejtim të tillë”, ka thënë Ahmeti.
