Irene Crump dhe Phyllis Jones, padyshim që futen në grupin e binjakeve më jetëgjatë në botë. Motrat kanë festuar ditëlindjen e tyre të 100. Madje ato kanë marrë një letër nga Mbretëresha, si dhe kanë vizituar një lokal nate.
Sipas binjakeve jo identike, jetëgjatësia e tyre ka ardhur me “punë të vështirë dhe ushqim të mirë”. Motrat kanë lindur me 25 minuta diferencë nga njëra-tjetra.
Tashmë në moshën 100-vjeçare, që të dyja janë ve dhe jetojnë në Stourport të Anglisë prej 5 vitesh.
Dyshja mendohet se është një nga 6 çifte binjakësh në Britani, të cilat i kanë kaluar një shekull jetesë.
