Kanë mbetur edhe disa javë deri në ndeshjen e rëndësishme për përfaqësuesen e Kosovës në futboll. Ende pa u grumbulluar ekipi, kanë filluar problemet në përfaqësuese.
Kosova nuk mund të llogarisë në mesfushorin ofansiv, Donis Avdijaj i cili ka pësuar një lëndim në stërvitje me klubin gjerman, Schalke 04.
Futbollisti ka publikuar një foto në rrjetet sociale ku shihet se ka këmbën e lidhur, por ende nuk dihet shkalla e lëndimit të tij.
Ndeshja e përfaqësueses zhvillohet më 11 qershor në stadiumin “Loro Borici” në Shkodër, ku si kundërshtar do ta ketë Turqinë.