Si gjithmonë muajit e verës, pra në korrik e gusht, si në Kosovë, po ashtu edhe në shtetet e rajonit, vlojnë nga organizimet e ndryshme të garave të beachvolejt, apo siç njihet si volejbolli në rërë. Vasha e djelmosha tanë po tregojnë cilësitë e tyre. Në fakt, është një nga sportet që pëlqehet shumë sidomos nga gjeneratat e reja dhe nga një bukuri në vete. Sidomos të vajzat ku shihet edhe bukuria e tyre, kurse djemtë tregojnë muskujt.
"Është mbajtur Kampionati i Kosovës në Beach Volley U-20, në të dyja konkurrencat. Përderisa te meshkujt gara është mbajtur në Lipjan në pishinën’ Erza’, femrat ndeshjet i kanë zhvilluar në pishinën ‘Matoshi’ në Ferizaj. Në konkurrencën e meshkujve kanë marrë pjesë 8 ekipe, ndërsa në atë të femrave 11 sosh. Pas shumë ndeshjeve interesante u shpallën edhe qiftet kampione.
Në konkurrencën e femrave dyshja fituese u shpall Valmira Ramadani dhe Erona Mahmuti nga ekipi i Kastriotit - Ferizaj, kurse të meshkujt këtë epitet e fituan dyshja Adriatik Berisha dhe Valmir Demi, dyshe e kombinuar nga ekipi i Drenicës, respektivisht i Prishtinës. Federata e Volejbollit në fund të kampionatit ka shpërblyer fituesit me kupa dhe medalje", bëhet e ditur nga FVK.
Renditja përfundimtare, femrat
1. Valmira Ramadani - Erona Mahmuti
2. Julinda Idrizi - Rinesa Hasani
3. Venera Kadriu - Lorina Mehmeti
Renditja përfundimtare, meshkujt
1. Adriatik Berisha - Valmir Demi
2. Edmond Drenogllava - Art Tërstena
3. Lorik Zejnullahu - Endrit Jashari
