Çifti Aliu është bërë më i njohuri në Zvicër, për shkak të fotografive në Instagram. Para disa muajsh për të shkruante 20min,ch, ndërsa tani ka shkruar media tjetër e njohur helvete schweizer-illustrierte.ch.
Mr. dhe Mrs. Aliu janë si Zotëriu dhe Zonja zvicerane - por nga Shqipëria. Çifti nga kantoni St. Gallen është vizituar në shtëpi, përcjell botasot.info.
“Me aq shumë ndjekës kurrë nuk e kishim menduar veten,” thotë Mergime Aliu-Megi. 22 vjeçarja dhe i dashuri i saj, Xhem, kanë rreth 103.000 ndjekës në rrjetin social Instagram, nën profilin mr.mrs.aliu, përcjell botasot.info.
Gjithçka filloi përpara një viti, me shpërndarjen e videos së çiftit Aliu, që menjëherë ngjalli interesim për shumë persona.
Ndjekës edhe nga Romandia
Komentet që shkruhen nga ndjekësit e tyre si: “çifti më i mirë”, “Ju jeni më të mirët” apo “një çift shumë i ëmbël”, janë të panumërta. “Në ditët e sotme është shumë e vështirë të gjesh një dashuri të vërtetë. Mendoj se Xhemi dhe unë jemi një model shpresëdhënës për çiftet tjera”, ka thënë floktarja e kualifikuar.
Ajo dhe Xhemi përmes fotove dhe videove e tregojnë edhe dashurinë e tyre ashtu siç është në të vërtetë. Kjo shihet edhe nga komentet e përgjithshme në internet: “Ju ndjek juve sepse jeni shumë simpatikë. Sidomos vërehet se ju vërtet e dashuroni njëri -tjetrin” shkruan një ndjekëse 20 vjeçare nga Lozana.
Edhe çifti Aliu nuk gëzon dashuri perfekte
Megjithatë çifti Aliu nuk e jeton jetën si në përralla. “Asnjë lidhje ose martesë nuk është perfekte. Gjithashtu edhe ne këshillohemi ndonjëherë mes veti,” thotë Megi. Ata u njohën falë Facebook para gjashtë vitesh. Xhem është nga Flaëil SG dhe postoi një fjali dashurie, ku i bëri përshtypje edhe Megit. Aty ata filluan të diskutojnë dhe lanë takim pas shtatë ditësh. Sot çifti jeton në Flaëil.
Xhemi është mekanik dhe thekson se jeta u ka ndryshuar pas famës që kanë fituar. “Megi më pranon ashtu siç jam,” thekson ai, për të treguar çelësin e jetës së mirë bashkëshortore.
Dashuria në mes çiftit u vulos me 6 gusht 2014 me një martesë tradicionale në vendlindjen e Xhemit në Shkup. Më 21 dhjetor 2015 ata kurorëzohen në Zvicër. Çifti nuk duan ta zbulojnë nëse kanë planifikuar për të sjellë në jetë ndonjë fëmijë.
Sivjet këngëtarja e njohur shqiptare Enca, ka shpërndarë një video të çiftit. Ata u bënë më të njohur dhe tani përmes reklamave të disa firmave marrin provizion./Bota sot
