Nëndega e LDK-së në Zimmerberg/ZH të shtunën ka mbajtur kuvendin e saj zgjedhor ku është zgjedhur Skender Meka kryetar i nëndegës.
“Pas zgjedhjes së kryesisë së punës në vazhdim Z. Skender Meka, përshëndeti të pranishmit duke i uruar mirë se ardhje në këtë kuvend zgjedhor. Në vazhdim z. Skender Meka paraqiti raportin e punës për aktivitetin, i cili në detaje i informoj kuvendarët për punën dhe aktivitetin e kësaj nëndege në mes dy kuvendeve.
Kuvendi miratoj raportet e punës dhe raportin financiar, ku në raportet e tyre u përmend kontributi i kryesisë dhe anëtarësisë së kësaj nëndege gjatë periudhës në mes dy kuvendeve.
Në këtë kuvend u zgjodhën kryetari dhe kryesia prej 11 anëtarëve si dhe delegatët për kuvendin e Degës së LDK-së në Zvicër. Kryetar i nëndegës u zgjodhë z. Skender Meka.
Punimet e kuvendit i përcollën anëtarët e komisionit të degës së LDK -së në Zvicër z.Zeqir Gjukaj dhe Lulzim Maliqi.
Kuvendin e përshëndeti edhe anëtari i kryesisë së Degës së LDK-së në Zvicër z. Zeqir Gjukaj në të cilën i uroj punë të mbarë kuvendarëve dhe suksese në punën e mëtejme kësaj nëndege.
Kuvendarët zgjodhën edhe 4 delegatë të cilët do ta përfaqsojnë Nëndegën në kuvendin zgjedhor të Degës së LDK-së në Zvicër.
Në fund kryetari i posa zgjedhur z. Skender Meka falenderoj kuvendarët për besimin e dhënë duke u zotuar se do të punojmë si ekip i mirë në të mirë të forcimit të LDK-së dhe avancimit të organizimit të kësaj nëndege në dobi të anëtarësisë së LDK-së dhe komunitetit shqiptar në regjionin e Zimmerberg/ZH”, thuhet në njoftimin për media./BS
