Zelensky paralajmëron për rrezikun e një katastrofë bërthamore

Bota

Zelensky paralajmëron për rrezikun e një katastrofë bërthamore

Më: 5 korrik 2022 Në ora: 12:35
Volodymyr Zelensky

Në konferencën “Economist”, presidenti i Ukrainës, Volodymyr Zelensky  bëri thirrje për zbatimin e të gjitha sanksioneve kundër Rusisë dhe paralajmëroi edhe një herë komunitetin ndërkombëtar për rrezikun e një katastrofe bërthamore.

“Të gjitha sanksionet kundër Rusisë duhet të miratohen 100%, pa përjashtime dhe të vazhdojnë, sepse nëse nuk e ndalojmë këtu, Rusia nuk do të ndalet në Ukrainë dhe do të vazhdojë me këtë politikë”, tha Presidenti i Ukrainës, Volodymyr Zelensky.

“Po, do të jetë e vështirë për të gjithë botën, por do të jetë më e ashpër për Rusinë, e cila do të detyrohet të ndalojë këtë luftë”, vuri në dukje Zelensky, duke shtuar: “Sanksionet nuk kanë të bëjnë vetëm me luftën kundër Ukrainës, por me shkeljen e të drejtës ndërkombëtare, cenimin e demokracisë, të drejtave të njeriut, lirisë së fjalës”.

Siç theksoi ai, “presioni diplomatik apo çdo presion tjetër, 24 orë në ditë, mund ta detyrojë Rusinë të kërkojë realisht paqen dhe ne të gjithë dëshirojmë që paqja të mbizotërojë”.

Në lidhje me situatën aktuale në Ukrainë, Zelensky theksoi: “Ne po përpiqemi të forcojmë ushtrinë tonë në mënyrë që të mund të mbrojmë vendin tonë. Ne mezi presim rritjen e ndihmës për vendin tim edhe në fusha të tjera”.

Në një pyetje për qëndrimin e Bjellorusisë, ai tha se raketat u lëshuan nga territori i Bjellorusisë kundër Ukrainës. Ai e di se një gjë e tillë nuk ishte vendim i popullit të Bjellorusisë dhe u bëri thirrje atyre që të mos mashtrohen.

Ai vuri në dukje megjithatë se Ukraina është gjithashtu e përgatitur për një situatë të tillë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat