Ronaldo shpërthen kundër trajnerit

Futboll

Ronaldo shpërthen kundër trajnerit

Më: 20 janar 2022 Në ora: 12:24
Ronaldo shpërthen kundër trajnerit

Manchester Utd nuk arriti të festojë plotësisht fitoren e tyre jashtë fushe ndaj Brentfordit me rezultatin 1:3, për shkak të përplasjes mes Cristiano Ronaldos dhe Ralf Rangnik.

Në minutën e 71-të, me rezultatin 2-0 të skuadrës, trajneri gjerman vendosi të zëvendësojë yllin portugez me Meguajër për të mbrojtur rezultatin dhe ish-sulmuesi i Juventusit nuk e priti mirë.

Duke dalë nga fusha, ai fillimisht përqafoi Rangnikun, por më pas hodhi xhupin në tokë i zhgënjyer përpara se të përsëriste disa herë: “Pse më zëvendësove mua?”.

Më pas trajneri iu afrua për t’i shpjeguar arsyet dhe për ta mbyllur si çështje. Ndërkohë tekniku gjerman në konferencën për shtyp pas ndeshjes sqaroi gjithçka ku tregon edhe bisedën me Ronaldon:

“I thashë, e kuptoj që je ende ambicioz dhe dëshiron të shënosh, por ndoshta pas disa vitesh, kur të jesh trajner, mund të marrësh një vendim të ngjashëm kur të gjendesh në të njëjtën situatë si unë”, përfundoi gjermani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat