Kthimi nga Turqia u kthye në një makth të vërtetë për klubet e futbollit nga Serbia të premten.
"Disa arritën të kthehen, disa jo, pas një dite dramatike dhe një situate mjaft kaotike", shkruan “Maxbetsport”.
Rrufeja goditi aeroplanin, serbët i kaploi paniku.
“Aeroplanët ishin të ‘mbingarkuar’, kështu që për shumëkënd gjërat u vonuan. Por e gjithë kjo është për të qeshur në krahasim me atë që ndodhi të premten...”, shkruan mes të tjera mediumi boshnjak “Oslobogjenje”.
Sipas këtij mediumi, edhe klubi nga Sanxhaku, Novi Pazari, do të kthehej me këtë aeroplan.
“Fluturimi nga Antalia u vonua dhe ulja e parë në Beograd dështoi.
Nga aeroplani shihej pista, por piloti ‘për arsye teknike’ vendosi në momentin e fundit të ngrihej sërish në qiell.
Pas rrethimit, një pjesë e tregimit përfundoi me sukses. Dhe përsëri, shumë pasagjerë nuk morën bagazhin e tyre, as privat dhe as klubet”, shkruan më tej.
Në aeroplan ishin edhe drejtuesit e klubit famëkeq, Cërvena Zvezda, menaxheri i përgjithshëm Zvezdan Terziq dhe kapiteni Milan Borjan, si dhe disa zyrtarë të tjerë, të cilët nuk e ndoqën ndeshjen e fundit përgatitore në Turqi.
Duhet theksuar se në qershor të vitit 2020 Terziqi së bashku me Dragan Xhajiqin, nderuan me fanellën numër 1 kriminelin e luftës, Kapetan Draganin.
Për këtë komentatori serb, Millojko Pantiq, i quajti turp i turpit Xhajiqin dhe Terziqin.
Arsyeja e anulimit të fluturimit ka qenë zyrtarisht defekti në aeroplanin rumun, madje jozyrtarisht është përmendur se është goditur nga rrufeja kur tre skuadra kanë mbërritur në Turqi, pasi të premten ka pasur një stuhi në rajonin e Antalias.
