Mauro Icardi e ka rigjetur formën ideale në Turqi, ku po luan me sukses në Galatasaray.
Sulmuesi argjentinas i ka shënuar 9 gola dhe i ka bërë 6 asistime në 12 ndeshje të kampionatit turk.
Këta numra kanë bërë që drejtuesit e klubit nga Stambolli të mundohen ta blejnë kartonin e futbollistit nga Paris Saint-Germaini.
Edhe tifozët e klubit turk janë dashuruar me ish-sulmuesin e Sampdorias e të Interit.
Megjithatë, duke se ish-përfaqësuesi argjentinas ka plane të tjera.
Më saktësisht, Icardi dëshiron të rikthehet në Itali, përkundër faktit se po ia kalon mirë në Stamboll.
Sipas mediave italiane, sulmuesi i rrezikshëm e preferon transferimin në Milan, i cili është në kërkim të një qendërsulmuesi.
Drejtuesit e klubit Kuqezi, Maldini e Massara kanë raporte të shkëlqyeshme me përfaqësuesit e futbollistit dhe ky fakt do ta lehtësonte dukshëm punën.
Icardi ka kontratë me PSG-në deri në verën e vitit 2024 dhe nuk e ka ndërmend të rikthehet më në “Parkun e Princave”.
Për këtë arsye, “Rossoneri” mund ta transferojnë sulmuesin gjatë verës që vjen dhe më këtë rast do të mundohej t’i hakmerrej ish-klubit të tij, Inter.
