​Ngjarjet e datës 29 mars

Kosova

​Ngjarjet e datës 29 mars

Më: 29 mars 2022 Në ora: 00:18
Foto ilustrim

Ministria e Shëndetësisë mban takim me temën “Transformimi i shëndetësisë, projektet me partnerët/ donatorët”. (“Hotel International”, Prishtinë, ora 09:00-15:00)

Komisioni për Arsim dhe Koalicioni i OJQ-ve për Mbrojtjen e Fëmijëve – KOMF organizojnë tryezën “Integrimi i politikave dhe shërbimeve për trajtimin e dhunës ndaj fëmijëve, me fokus në shkollë”. Marrin pjesë ministrja e Arsimit, Arbërie Nagavci dhe ai i Financave Hekuran Murati. (Hotel “Prishtina”, ora 09:30-12:30)

Kryetari i Kuvendit të Kosovës, Glauk Konjufca, pret në takim Komisionin për Politikë të Jashtme të Kuvendit të Shqipërisë. (Kabineti i kryetarit, ora 09:30, pamje në fillim të takimit)

Vazhdon procesi gjyqësor ndaj Salih Mustafës. (Hagë, ora 09:30-16:00)

Komisioni për Administratë Publike formon grupet punuese për shqyrtimin e Projektligjit për Sistemin e menaxhimit të performancës së komunave dhe skemën e grantit të bazuar në performancë. (Kuvendi i Kosovës, salla N-302, ora 10:00)

Ministrja e Industrisë Rozeta Hajdari raporton në Komisionin për Ekonomi mbi punën e ministrisë për 2021 dhe planin e punës për vitin 2022. (Kuvendi i Kosovës, salla N-10, ora 10:00)

Instituti i Kosovës për Drejtësi (IKD) me përkrahje të Departamentit të Shtetit Amerikan - Byrosë për Çështje Ndërkombëtare të Narkotikëve dhe Zbatimit të Ligjit (INL) dhe NED prezanton analizën “Rregullorja e re e Punës së Kuvendit: mes nevojës për efikasitet dhe respektim të Kushtetutës”. (Hotel “Sirius”, Prishtinë, ora 10:00-10:30)

Komisioni i posaçëm për shqyrtimin e kandidatëve për emërim në Gjykatën Kushtetuese - testimi me shkrim i kandidatëve për gjyqtarë në Gjykatën Kushtetuese. (Kuvendi i Kosovës, salla C-301, ora 10:30)

Komisioni për Punë të Jashtme dhe Diasporë takim me delegacionin e Komisionit për Politikën e Jashtme të Kuvendit të Shqipërisë. (Kuvendi I Kosovës, salla C-301, ora 11:00)

Komisioni për Mbikëqyrjen e Financave Publike shqyrton raportin e auditimit të performancës “Optimizimi i resurseve njerëzore dhe pajisjeve teknike mjekësore për t’iu përgjigjur nevojave të pacientëve me COVID-19”. I ftuar ministri i Shëndetësisë Rifat Latifi. (Kuvendi i Kosovës, salla N-10, ora 12:00)

Përurohen romanet e Lutfi Dervishit - "Në frontin e lirisë (me UÇK-në)" dhe "Hijet". (LSHK, Mëhalla e Muhaxherëve, Kulla e zotnisë, Prishtinë, ora 12:00) 

Komisioni për Çështje të Sigurisë dhe Mbrojtjes shqyrton Projektligjin për Policinë Ushtarake në Forcën e Sigurisë së Kosovës. (Kuvendi I Kosovës, salla N-303, ora 12:30)

Në 1-vjetorin e vdekjes, përurohet libri i Asdren E. Krasniqit “Në dallgët e jetës”. (Qendra e Kulturës “Hasan Prishtina” Vushtrri, ora 17:00)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat