​Parashikimi i motit

Kosova

​Parashikimi i motit

Më: 23 prill 2022 Në ora: 07:45
Ilustrim

Të reshurat lokale që u paraqiten mbrëmë po vazhdojnë edhe mëngjesin e sotëm. Moti për ditën e sotme parashikohet me vranësira dhe intervale me diell. Edhe në orët e pasdites priten reshje lokale shiu.

Sipas Prishtina Weather, nga dita e diel do të jetë më ngrohtë. Nesër priten vranësira kalimtare, ndërkaq ditëve të para të javës së ardhshme më shumë diell. Ditën e martë përreth zonave malore me mundësi për riga lokale shiu.

Indeksi i cilësisë së ajrit mbetet kryesisht në vlera të pranueshme, vetëm orëve të mbrëmjes kur mund të ketë më shumë qetësi, vlerat kalojnë edhe në të dobëta, shkaku i koncentrimeve të rritura të ndotësve ajror pranë sipërfaqes.

Temperaturat në rritje gjatë fundjavës, më pas në rënie të lehtë. Minimalet luhaten nga 5C deri 9C, e maksimalet shkojnë deri në 23C të dielën, e më pas zbresin në 20C e 21C.

Era frynë kryesisht jugu e jugperëndimi e lehtë dhe mesatare 4-9m/s, e ditën e hënë edhe e fuqishme me hover deri në 15m/s.

Shtypja atmosferike luhatet përreth vlerave normale, herë-herë edhe pësuar rënie të lehtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat