​Ngjarjet e datës 15 janar

Lajme

​Ngjarjet e datës 15 janar

Më: 15 janar 2022 Në ora: 00:10
Foto ilustrim

Homazhe dhe vendosja e kurorave me lule në Kompleksin Përkujtimor në Reçak nga përfaqësuesit e institucioneve të komunës së Shtimes. (Ora 9:00)

Kryeministri i Republikës së Kosovës, Albin Kurti, presidentja e Republikës së Kosovës, Vjosa Osmani dhe kryetari i Kuvendit të Kosovës, Glauk Konjufca, bëjnë homazhe në Kompleksin memorial të Reçakut. (Reçak, Shtime, ora 10:00)

Mbahet ceremonia përkujtimore në 23 vjetorin e Masakrës së Reçakut. (Shtëpia e Kulturës, Shtime, ora 11:00)

Instituti për të Vërtetën, Drejtësinë dhe Paqen organizon tribunë në shënimin e 15 Janarit, Ditës së Përkujtimit të Gjenocidit ndaj shqiptarëve në Kosovë, të shpallur me rezolutën e Kuvendit të Republikës së Kosovës. (Amfiteatri i Bibliotekës Kombëtare të Kosovës “Pjetër Bogdani”, Prishtinë, ora 12:00)

Kryeministri i Republikës së Kosovës, Albin Kurti, presidentja e Republikës së Kosovës, Vjosa Osmani dhe kryetari i Kuvendit të Kosovës, Glauk Konjufca marrin pjesë në hapje të ekspozitës kolektive. (Biblioteka Kombëtare e Kosovës, Prishtinë, ora 13:00)

Me rastin e 15 Janarit-Ditës së përkujtimit të gjenocidit serb ndaj shqiptarëve në Kosovë, në kompleksin memorial në Krushë të Madhe, bëhen homazhe në shenjë respekti e përkujtimi për viktimat e gjenocidit në Krushë dhe gjithë Kosovën. (Ora 13:00)

Mbahet seancë e jashtëzakonshme e Kuvendit të Kosovës, ku do të diskutohet në lidhje me synimet e Serbisë për të mbajtur referendum kushtetues në territorin e Republikës së Kosovës. (Kuvendi, ora 14:00)

Me rastin e 15 Janarit-Ditës së përkujtimit të gjenocidit serb ndaj shqiptarëve në Kosovë, në kompleksin memorial në Krushë të Madhe, bëhet ndezja e flakadanëve. (Ora 16:00)

Me rastin e ditës së përkujtimit të gjenocidit në Kosovë, Qendra “Gjenocidi në Kosovë – Plagë e Hapur” do të ndezë qirinj në shenjë respekti e përkujtimi për viktimat e gjenocidit në Kosovë. (Sheshi “Skënderbeu”, ora 19:30)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat