Komiteti Ekzekutiv i FIFA-së ka vendosur sot që t’i jap dritën jeshile për aktivizim për dy lojtarët Vullnet Basha (Sion) dhe Amir Abrashi (Grasshopers).
Lajmi mësohet nga burime të portalit sportiv Asport.info, të cilat burime tregojnë se tashmë në zyrat e FSHF-së ka ardhur edhe shkresa që lejon dy lojtarët në fjalë të aktivizohen me Kombëtaren Shqiptare.
Kujtojmë se Basha dhe Abrashi kanë luajtur më herët për shpresat e Zvicrës, dhe mu për këtë është dashur një përgjigje nga ana e FIFA-së për të luajtur për Shqipërinë.
Të njëjtat burime bëjnë të ditur se edhe lojtari i Valladolidit, Valdet Rama, pritet të jetë i gatshëm, pas problemeve që kishte pasur kohë të fundit me dokumentacion.
