‘Botë pa të rritur’ – Seriali i pandemisë nis shfaqjet televizive në rrjetin francez

Filma

‘Botë pa të rritur’ – Seriali i pandemisë nis shfaqjet televizive në rrjetin francez

Më: 8 shtator 2021 Në ora: 19:47
Seriali ‘Botë pa të rritur’

“Është historia më e bukur e shpresës që kam krijuar”: thotë regjizori italian Niccolo Ammaniti për serilain e tij të ri “Anna”, që nis të transmetohet prej 10 shtatorit në rrjetin e pavarur televiziv francez ‘Arte’.

Filmi ndjek ngjarjet e një adoleshenteje në Siçili, pas goditjes së një pandemie që ka shfarrosur të gjithë të rriturit.

Ironikisht, në mars Ammaniti ishte detyruar të ndalonte xhirimet e “Anna” prej përhapjes së koronavirusit.

Dhe në fakt historia e tij zhvillohet ne Sicili, katër vjet pas një apokalipsi të shkaktuar nga një virus i panjohur që ka shfarosur të gjithë popullatën e rritur, duke lënë gjallë vetëm fëmijët.

Fëmijët rriten dhe arrijnë pubertetin, kur prodhimi i hormoneve të caktuara riaktivizon virusin në trupin e tyre.

Atëherë edhe ata vdesin në njëfarë mënyre si me COVID-19, kryesisht prej dështimit respirator.

Autori thotë se qëllimi i tij është krijimi i një distopie biologjike, pasi nuk ka popullata që të kenë vetëm fëmijë.

“Kam ndërtuar një narrativë për strategjinë e tyre të mbijetesës, protagonistët janë Anna dhe vëllai i saj. Jam fokusuar në versionin e gjatë të kësaj strukture njerëzore. Këtu të mirët janë edhe të këqijtë. Anna është një vajzë e re që kishte një nënë të veçantë, që i tha asaj të vërtetën e gjërave.”

“Është sikur t’i kishte lënë Anës një libër, një libër mbijetese. Aty ajo i shpjegonte gjera si: Si të ndezësh zjarr, si është të jetosh në heshtje? Çfarë është miqësia? Cili është kuptim i puthjes? Si të zjesh ujë?”

Autori shton: “Përfundimisht Anna përfaqëson shpresën, diçka që nuk vdes kurrë. E vetmja gjë që i lejon racës njerëzore të bëjë përpara, edhe në momentet më të errëta.”

“Edhe kur çdo gjë rreth saj është duke u shembur, te Anna shikojmë një dritë të fuqishme, ajo vazhdon të besojë, vazhdon të mendojë. Jo shumë për veten e saj, por të vëllanë, që është kthyer si në një bir për të”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat