Ministria e Kulturës: Suksesi i filmit “Zgjoi” po shkruan një histori të re, tani edhe në Spanjë

Filma

Ministria e Kulturës: Suksesi i filmit “Zgjoi” po shkruan një histori të re, tani edhe në Spanjë

Më: 31 tetor 2021 Në ora: 14:25
Yllka Gashi

Filmi “Zgjoi” që tregon historinë e grave të Krushës e që refuzojnë t’i dorëzohen luftës dhe marin në dorë fatin e jetës së tyre me punën që e krijojnë për veten dhe fëmijët, tani është duke garurar edhe në edicionin e 66-të “Valladolid International Film Festival” në Spanjë.

Kështu ka bërë të ditur edhe Ministria e Kulturës, nëpërmjet një postimi në facebook, duke treguar po ashtu se Blerta Basholli dhe Yllka Gashi po inspirojnë shoqërinë tonë me punën e tyre.

Postimi i plotë:

“Zgjoi” fiton dy çmime të reja, kësaj radhe në Spanjë

Në kinematografinë kosovare po shkruhet histori e re.

Filmi “Zgjoi” nga Blerta Basholli mori dy çmimet kryesore në edicionin e 66-të të “Valladolid International Film Festival” në Spanjë.

Yllka Gashi është zgjedhur aktorja më e mirë ndërsa “Zgjoi” ka fituar çmimin “Fundos”.

Filmi që tregon historinë e vërtetë të grave të Krushës të cilat refuzojnë t’i dorëzohen tragjedisë së luftës, por marrin në dorë fatin e jetës së tyre dhe me punën e tyre krijojnë një jetë të re për veten dhe familjet, tashmë po i prezentohet gjithë botës.

Storja e tyre po tregohet nga dy gra që po na bëjnë krenarë të gjithëve. Regjistorja Blerta Bashollidhe Yllka Gashi që po inspirojnë shoqërinë tonë me punën e tyre.

Shumë urime dhe suksese tutje!”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat