Trajtimi mizor i padëgjuar: Farmacistit ia dogjën organet gjenitale me benzinë!

Historia

Trajtimi mizor i padëgjuar: Farmacistit ia dogjën organet gjenitale me benzinë!

Nga: I. M. Më: 28 shtator 2022 Në ora: 22:21
Sara Blloshmi (1904-1975) dhe Alfred Ashiku (1916-1962)

Një tregim rrëqethës të një ngjarjeje të vërtetë në historinë komuniste të Shqipërisë, e ka sjellur hulumtuesi Kastriot Dervishi.

Duke sjellur për informim të publikut, një foto me pamje të jetës moderne në Shqipërinë e para komunizmit, të një çifti të dashuruarish (bazuar në pamjet e fotos në bregdetin shqiptar), studiuesi Dervishi, sjell historinë tronditëse, rrëqethëse e të padëgjuar, të një intelektuali shqiptar, shkodran, që pësoi torturimin ndoshta më mizor, edhe pse kurrë nuk ishte marrë me politikë, por e pësoi nga akuza për agjenturë me misionet anglo-amerikane në Tiranë. Viktima ishte farmacisti Alfred Ashiku (1916-1962).

Lexojeni në vijim, historinë e një dosjeje trishtuese të Shqipërisë komuniste, të paraqitur në faqen e tij të Fb.

“Një foto dhe një histori e rrallë”

“Në foto janë Sara Blloshmi (1904-1975) dhe Alfred Ashiku (1916-1962), gjatë kohës së verës në një plazh të paidentifikuar. Sara u largua pas lufte me bashkëshortin e saj britanik Vandeleur Robinson, ndërsa farmacisti Alfred Ashiku u arrestua më 16.5.1947. U akuzua se kishte pasur dijeni për “organizatën tradhtare të deputetëve” ,dhe për miqësi me misionet anglo-amerikane në Tiranë. Ashiku nuk ishte marrë kurrë me politikë. Ndaj tij u përdor edhe një lloj torture e padëgjuar kurrë, sepse aty përzihej urrejtja dhe zilia e njerëzve të regjimit. Sipas deklaratës së datës 25.3.1949 të kapiten Muço Saliut, hetuesi i procesit, nëntoger Gole Bashari, i njohur për llojet e ndryshme të teknikave, kishte përdorur ndaj Ashikut torturën e djegies së organeve gjenitale me benzinë”, shkruan Kastriot Dervishi.

Image
Fotoja origjinale e Sara Blloshmi (1904-1975) dhe Alfred Ashiku (1916-1962)

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat