Apple është dhe ka qenë gjithmonë i njohur për mospublikimin e kapaciteteve aktuale të baterive të pajisjeve të saj si pjesë e fletëve të specifikimeve të saj, dhe kështu nëse jeni të interesuar për numrat e saktë, në përgjithësi duhet të prisni derisa ato të dalin në shitje dhe që disa njerëz të marrin iPhone-ët e rinj në dorë dhe t’i çmontojnë ato.
Ose, si në rastin e sotëm, prisni që rregullatorët e Kinës të certifikojnë modelet e reja për shitje në vend. Një certifikim i tillë është pikërisht ajo që u shfaq gjatë ditës së djeshme, duke zbuluar faktin se të katër modelet e iPhone 15 kanë bateri pak më të mëdha se paraardhësit e tyre.
Apple iPhone 15 ka marrë një kapacitet prej 3,349mAh, nga 3,279mAh sa ishte në iPhone 14. iPhone 15 Plus merr 4,383 mAh, në krahasim me 4,325mAh në iPhone 14 Plus, raporton GSM Arena.
Kapaciteti i baterisë së iPhone 15 Pro është 3,274mAh, nga 3,200mAh sa ishte në iPhone 14 Pro. Më në fund, iPhone 15 Pro Max i mund të gjithë ata me baterinë e tij prej 4,422mAh, teksa në modelin iPhone 14 Pro Max, kapaciteti ishte 4,323mAh.
Këto rritje, siç mund ta shihni, janë minimale. Pra, nëse do të ketë ndonjë përmirësim të dukshëm në jetëgjatësinë e baterisë, ato ka shumë të ngjarë të vijnë nga çipa dhe ekrane më efikase – jo nga këto ngritje nën 100mAh në madhësinë e baterisë.
iPhone 15, iPhone 15 Plus, iPhone 15 Pro dhe iPhone 15 Pro Max u zbuluan në një event special të martën, dhe të gjitha modelet doli për janë në dispozicion për para-porosi në dhjetëra tregje në mbarë botën.
