“Armët” e fuqishme të Albin Kurtit dhe të Vjosa Osmanit

Opinione

“Armët” e fuqishme të Albin Kurtit dhe të Vjosa Osmanit

Skënder Kapiti Nga Skënder Kapiti Më 16 qershor 2022 Në ora: 11:41
Albin Kurti dhe Vjosa Osmani

I ndjek zhvillimet politike në Shqipëri e Kosovë me shumë interesim e përkushtim, dhe duke u nisur nga paanshmëmria, qetësia dhe nga arsyetime e argumentime sa më të  arësyeshëm dhe jo subjektiv, po bëj një farë krahasimi me argumente e fakte të thjeshtë e të prekshëm  të pushtetit të sotëm  në Kosovë, të  Albinit e të Vjosës krahasuar me të gjithë paraardhësit e tyre si në Kosovë ashtu edhe në Shqipëri.

Ja ku është dallimi dhe cilat janë supermacitë e Albinit dhe të Vjosës krahasuar me  paraardhësit e tyre : 

Të dy kanë një përgatitje mëse të admirueshme intelektuale të mirëfilltë. Janë të sinqertë dhe realisht patriotë e demokratë. 

Janë transparentë, të hapur për qytetarët dhe të ndjeshëm karshi tyre, kërkesave e shqetësimeve të tyre, pra janë në popull dhe brënda tij , ku interesin e tyre e shohin bashkë në interesin e përgjithshëm, brënda atij shtetëror dhe atij kombëtar.

Janë e sillen si  të barabartë para ligjit dhe janë  përgjegjës para tij, dhe sillen si shërbëtorë të popullit. 

Dhe më kryesorja: të dy  janë të pastër e të pakorruptuar.

Këto janë armët kryesore të cilat ata i përdorën dhe fituan zgjedhjet dhe besimin publik, por fatmirësisht që këto premtime ata po i mbajnë dhe zbatojnë edhe në qeverisje megjithë pengesat, hiletë , nihilizmat dhe mohimin që mundohen të stisin kundër tyre opozita dhe dështakët politikë të cilët do të duhet që të rrinë gjatë në opozitë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat