Dosjet “Boomerang”

Opinione

Dosjet “Boomerang”

Nga: Agim Vuniqi Më: 5 korrik 2022 Në ora: 12:51
Autori Agim Vuniqi

A ishin dosjet e publikuara nga kryesia e veteranëve, dokumentacion i blerë nga DB-ja serbe, për të cilat fliste udhëheqësi i SHIK-ut, Kadri Veseli, para se të hynte në politike, këtë e ka obligim ta sqarojë para publikut, veterani Klinaku!!!

Për ato dokumente të shpërndara pësuan Ngucati dhe Haradinaj duke u dënuar me burg shumëvjeçarë!!!

Deri më sot asnjëri nga “gazetarët” nuk është treguar vigjilent dhe të hulumtojë kush ishte personi që shpërndau dosjet, dokumentet sekrete që i shfrytëzojë Gjykata Speciale për të dënuar Ngucatin dhe Haradinajn, dhe për të cilin nuk dha asnjë informacion Klinaku i Veteranëve… A ishte ky skenar shumanshëm i qëllimshëm, apo vetëm një parapërgatitje për të shfajësuar KE-në dhe diplomatët evropianë për dështimet e njëpasnjëshme në Kosovë, mbetet të shihet, por edhe simulimi për kinse ndërtimin e institucioneve të qëndrueshme shtetërore ishte vetëm dëshirë, a nuk ishte kështu paralajmërimi i bujshëm për formimin e agjencisë së inteligjencës (para se të formohej), e cila as që përmendej në krahasim me SHIK-un e paraluftës, që e tregonte fuqinë vepruese përmes Kadri Veselit, i cili mundohej ta bindte opinionin se ka "blerë" informacione shumë të rëndësishme nga DB-ja serbe, bile ai së paku duhet ta dinte sa e ka rrjetin e fuqishëm të informatorëve në Kosovë, Serbia, duke realizuar këmbimin e informatave edhe përmes bizneseve profitabile me shqiptaro-kosovarët me kollare.

Duhet pranuar që ky montim i përrallës ballkanike, nga gazetarët aventurierë ishte shumë i dëmshëm për Kosovën. Skandali që u lansua në "The Guardian" mori premisa trishtuese, ngase si lajm senzacional u bart në tërë shtypin botëror, dhe ishte shumë vështirë të demantohej me një reagim qeveritar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat