Testet e shtatzënisë në shtëpi, gjithçka që duhet të dini

Life style

Testet e shtatzënisë në shtëpi, gjithçka që duhet të dini

Më: 5 korrik 2022 Në ora: 13:02
Foto ilustrim

“A jam shtatzënë?” Nëse nga pozita e një pritshmërie emocionuese ose me një farë shqetësimi, shumë gra vijnë në çastin kur i bëjnë vetes këtë pyetje. Pavarësisht nga cili grup jeni, me siguri do të dëshironi të kuptoni përgjigjen sa më shpejt që të jetë e mundur ose me fjalë të tjera, ju do të drejtoheni tek testet e njohura të shtatzënisë në shtëpi.

Por sa të sakta dhe në ç’shkallë mund t’i besoni? Si punojnë? A ka rëndësi se cilin test do ta zgjidhni?

Në këto momente të tensionit të madh duhet të jeni të qetë dhe të evitoni çdo stres lidhur me pyetjen se cilin test të zgjidhni dhe a do t’ju tregojë ai rezultatin e saktë. Për të qenë të qetë që keni bërë zgjedhjen më të informuar, ne kemi përgatitur informacionin e nevojshëm për të zbuluar misteret rreth testeve të shtatzënisë në shtëpi. Dhe kështu gjëja e parë që duhet të dini është:

Çfarë ndodh në trupin tuaj në rast shtatzënie eventuale?

Pas seksit dhe fekondimit përkatës të vezës suaj, ajo do të përpiqet të implantohet në mitrën tuaj dhe zakonisht në 1/2 deri në 2/3 të rasteve kjo përpjekje do të jetë e suksesshme. Nëse veza e fekonduar arrin të implantohet, trupi juaj do të fillojë të formojë placentën, e cila kryen funksione të rëndësishme për embrionin.

Pikërisht placenta do të fillojë të prodhojë hormonin Gonadotropina korionike njerëzore, që është kritik për shtatzëninë, i njohur gjithashtu si hCG. Roli i hCG është t’i sinjalizojë mitrës se është koha për t’u përgatitur për shtatzëninë, si dhe të mbështesë embrionin gjatë shtatzënisë.

Tek gratë që nuk janë shtatzënë vlerat e hCG janë minimale. Realisht Gonadotropina korionike njerëzore fillon të prodhohet (dhe vlerat e saj të rriten) vetëm në dy raste:

Shtatzëni
Te disa gra në menopauzë nivelet e hCG rriten.

Është e rëndësishme të shënojmë, se në rastin e dytë vlerat dallojnë nga ato në rastin e shtatzënisë. Sapo të fillojë, prodhimi i hCG rritet me shpejtësi të rrufeshme. Hormoni fillon të hyjë në gjak dhe në urinë dhe përqendrimi i tij dyfishohet çdo 48 deri në 72 orë, duke arritur kulmin rreth javës së 12-të. Zakonisht pak pas kësaj prodhimi i tij fillon të ngadalësohet — ai tashmë e ka bërë punën e vet.

E gjithë kjo është shumë interesante, por çfarë të përbashkët ka me testin e shtatzënisë?

Për t’i përgjigjur kësaj pyetjeje, duhet të shtrojmë pyetjen tjetër:

Si funksionojnë testet e shtatzënisë?

Mund të habiteni, por testet e para të shtatzënisë janë shfaqur gati 100 vjet më parë. Në vitin 1927 dy studiues gjermanë — Aschheim dhe Zondek — zbulojnë angazhimin e hormonit hCG me procesin e shtatzënisë dhe të përpunojnë testet e para të shtatzënisë në botë.

Kuptohet, ato janë shumë larg testeve moderne dhe përfshinin injektimin e urinës në një mi, pas së cilës kafsha u diseksionua për të parë se çfarë ka ndodhur në trupin e saj. Përpjekjet e mëvonshme për përmirësim ishin gjithashtu mjaft të vështira (dhe përfshinin procedura kurioze si injektimi i bretkosave me hCG).

Falë zotit, sot i kemi përjashtuar testet me kafshë dhe mund të shpresojmë në testet shumë më të shpejta, të sakta dhe efektive.

Prototipi i tyre është shfaqur në vitet 70, kur ata tashmë ishin në gjendje të regjistronin shtatzëninë 2—3 javë pas fekondimit ose disa ditë pas vonesës së ciklit. Përmirësimi i tyre vazhdon edhe në dekadat e ardhshme me synimin kryesor arritjen e ndjeshmërisë maksimale të testeve dhe kuptohet, lehtësinë e përdorimit.

Falë teknologjisë së përdorimit të antitrupave për hCG (dhe molekulave reaktive që ngjyrojnë shiritat e testit), gjithçka që ju nevojitet sot për të konstatuar një shtatzëni janë 3 minuta në komoditetin e shtëpisë suaj dhe një test shtatzënie në shtëpi.

Sa të sakta janë testet e shtatzënisë në shtëpi?

Mund të fillojmë me lajmin e mrekullueshëm se testet moderne në shtëpi me prezumim janë rreth 98 deri në 99% të sakta.

Testet e shtatzënisë në shtëpi ndahen në 2 lloje — testet e hershme të shtatzënisë dhe testet nga dita e parë e vonesës së menstruacioneve. Të dy testet mbështeten në të njëjtën teknologji, por ndryshimi është në ndjeshmërinë e testit ndaj hormonit hCG. Shpesh mund të dëgjoni pohime se testet e hershme të shtatzënisë zbulojnë shtatzëninë një javë pas fekondimit të supozuar.

Për zonjat e paduruara, kjo duket e shkëlqyeshme, e megjithatë është mirë të kini parasysh një gjë nëse vendosni të përqendroheni tek ato. Saktësia e tyre mund të ndikohet nga një sërë faktorësh dhe jo rrallë herë ndodh që të raportohen rezultate të pasakta.

Për të kuptuar pse ndodh kjo, para së gjithash duhet të dimë se vlerat mbi 10 mIU/ml janë zakonisht një sinjal shtatzënie.

Analizat e gjakut të kryera në laborator mund të zbulojnë sasinë e saktë të hCG dhe nëse i përsëritni pas disa ditësh, do të mund të shihni nëse ka një ndryshim (nuk duhet të harroni rritjen eksponenciale për 48—72 orë). Sidoqoftë, testet në shtëpi kërkojnë një akumulim të caktuar të hCG për të qenë reaktive — edhe ato më të hershmet prej tyre zakonisht kërkojnë të paktën < 10—15 mIU / m.

Kjo do të thotë që sa më herët ta bëni testin, aq më e madhe është mundësia që të mos keni grumbulluar mjaftueshëm hCG (ende) dhe të merrni një rezultat negativ, ndërsa në të vërtetë tashmë të jeni shtatzënë.

Është e mundur që testi i hershëm të zbulojë praninë e shtatzënisë, por bëhet fjalë për të ashtuquajturën „shtatzëni kimike“. Sipas definicionit, shtatzënia kimike është një ndërprerje e lidhjes midis vezës së fekonduar dhe mukozës së mitrës. Në një shtatzëni të tillë, testi i parë i hershëm mund të regjistrojë ende nivelet e larta të hCG, por nëse testimi i mëvonshëm kryhet në ditën e parë të vonesës, testi mund të jetë negativ.

Çfarë testi shtatzënie rekomandohet të përdor?

Për shumë gra është e vështirë që të mos përdorin testet e hershme të shtatzënisë, sidomos nëse tema i emocionon shumë. Megjithatë, duke pasur parasysh të gjitha ato që kemi diskutuar, për rezultate maksimalisht të vërteta dhe të sakta, është më mirë të mos nxitoni dhe të prisni ditën e parë të vonesës së ciklit tuaj. Mos harroni se testimi në ditët e para pas implantimit të supozuar shpesh mund të raportojë një rezultat të rremë negativ dhe t’ju mashtrojë.

Një element tjetër i rëndësishëm është përdorimi i një testi cilësor i zbulimit të shtatzënisë në shtëpi. Për shembull, saktësia e Surecheck është mbi 99%, falë teknologjisë speciale Colloidal Gold. Pavarësisht nëse do të zgjidhni një test të tipit të kasetës ose stilolapsit, nëse përdoret siç duhet, besueshmëria e tij është e garantuar dhe mund të jeni të sigurt se do të merrni rezultate optimale të sakta. Ndryshe nga kaseta, te testet e tipit stilolaps nuk kërkohen një pipetë ose filxhan që i bënë jashtëzakonisht të lehta për përdorim kudo dhe në çdo kohë.

Kuptohet, edhe me një test jashtëzakonisht të saktë si Surecheck, është mirë të ndiqni praktikat e rekomanduara që përmendëm — pritni deri në ditën e parë të vonesës dhe bëni testin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat