"Askush nuk është 100 për qind i sigurt gjatë gjithë kohës. Por vetëbesimi është një mentalitet dhe mendoj se është shumë i lidhur me stërvitjen."
Lilly Sabri, 33 vjeçe, instruktore e Pilates, influencuese uber, me afro 4.5 milionë abonentë në YouTube dhe themeluese e aplikacionit të fitnesit “Lean with Lilly”, mendon se gratë shpenzojnë shumë kohë duke u shqetësuar për trupin.
"Stërvitja do t'ju bëjë të ndiheni më të sigurta, sepse do t'ju bëjë të ndiheni mirë, të shëndetshme dhe të lumtura. Dhe mbi të, shpresojmë që do t'ju ndihmojë të arrini qëllimet tuaja estetike."
Hulumtimi i ri nga sondazhi Active Lives i Sport England tregon se 36 për qind prej nesh nuk e arrijnë objektivin minimal prej 150 minutash në javë, të nevojshme për të ndërtuar densitet dhe për të parandaluar krijimin e atrofisë së muskujve.
“Pilates është i shkëlqyeshëm, sepse me të ju punoni për të forcuar muskujt, veçanërisht bërthamën tuaj, por në një mënyrë më të kontrolluar, me më pak shanse lëndimi. Pilates ju jep edhe më shumë energji. Njerëzit gabimisht mendojnë se impakti i ngadaltë ose i ulët do të jetë i lehtë, por është ende sfidues."
Për sa i përket ushtrimeve, “ju duhet vetëm të lëvizni trupin, në çdo mënyrë që funksionon për ju”, thotë Sabri. “Qëllimet afatshkurtra janë një mënyrë e shkëlqyer për të filluar fitnesin, por gjithashtu, është e rëndësishme të imagjinoni se si dëshironi ta lëvizni trupin tuaj më vonë; dëshironi të jeni në gjendje të lëvizni, pa dhimbje, të merrni nipërit e mbesat dhe të shkoni në aventura? E pra forcimi i trupit dhe tonifikimi që tani do të të ndihmojë.”, thotë ajo.
Në videon më poshtë mund të shihni disa stërvitje me Pilates që do t’ju ndihmojnë të lëvizni, tonifikoni dhe të përgatisni një trup të fortë dhe mbi të gjitha të shëndetshëm.
