Balenat Orca janë ndër kafshët që jetojnë shumë vite pas menopauzës dhe ato kanë dhënë një pasqyrë të re mbi përfitimet e kësaj strategjie të çuditshme riprodhuese.
Siç rezulton, balenat Orca femra që kanë kaluar moshën e tyre për të bërë fëmijë bëhen udhëheqëse të grupeve me aftësi të vlefshme mbijetese. Gjetjet e reja u botuan në revistën Current Biology.
Edhe pse teorikisht menopauza nuk ekziston, femrat e balenave Orca ndalojnë riprodhimin në moshën 50 vjeç – e cila është mosha kur shumica e balenave Orca meshkuj janë në fund të jetës së tyre. Sidoqoftë, femrat pas menopauzës ende jetojnë për 40 vjet të tjera – ose edhe më shumë.
Disa studime zbuluan se femrat pas menopauzës, të cilat janë zakonisht më të moshuarat në grup, notojnë në pjesën e përparme dhe drejtojnë lëvizjen e grupit të tyre. Ekipi mblodhi të dhënat kur furnizimi me ushqim primar i balenave Orca, i cili është salmon, ishte shumë i ulët.
Lauren Brent i Universitetit të Exeter tha se një mënyrë që femrat në menopauzë mund të rrisin mbijetesën e grupit është përmes transferimit të njohurive ekologjike.
