Me Amerikën duhet pasur kujdes!

Opinione

Me Amerikën duhet pasur kujdes!

Nga: Adem Bytyçi Më: 3 gusht 2021 Në ora: 17:25
Adem Bytyçi

Nuk është aq lehtë t'i thuhet nuk është kështu, po duhet të jetë ashtu, kjo vlenë për të gjitha kombet e botës, por për shqiptarët dhe Shqipërinë më së shumti.

Pse për shqiptarët më shumë, sepse po të mos ndërhynte Amerika, përkatësisht ish-presidenti amerikan Willson, Shqipëria sot nuk do të ekzistonte, dhe shqiptarët kombi më i lashtë i Europës nuk do të kishte shtet, do të sorollatej nëpër disa shtete të Europës si shumë grupe etnike, të cilave u shkelen në mënyrën më brutale të drejtat dhe liritë e tyre individuale dhe kolektive.

Shqipëria pra, do të coptohej në mes Greqisë, Serbisë, Italisë etj., me insistimin e Rusisë dhe disa fuqive tjëra të kohës.

Kosova pa ndihmën e SHBA-ve, vështirë dhe ndoshta do ta kishte të pamundur ta fitonte pavarësinë.

Po flasë nga eksprienca individuale. Në kohën kur popullata shqiptare civile në Kosovë, gra ,fëmijë e pleqë masakroheshin në mënyrat më makabre kolektivisht nga ushtria dhe policia fashiste e Millosheviqit, dhe jo më pak se 1 milion shqiptarë nën tytën e armëve dhe terrorit të forcave ushtarake dhe policore serbe dëboheshin me dhunë nga trojet e tyre për në shtet tjera, dhe krerët e NATOS, konsultoheshin që të ndërhynin për të ndalë KRIZËN humanitare dhe spastrimin etnik të shqiptarëve nga forcatë ushtarake barbare serbe.

Bill Klinton, presidenti në këtë kohë i SHBA-së, u ngrit dhe tha: Koha nuk pret, atje po masakrohen shqiptarët, nëse ju hezitoni SHBA, do të ndërhyj e vetme për t'i ndal krimet makaber të luftës dhe gjenocidin e ushtrisë barbare serbe kundër popullatës shqiptare në Kosovë.

Këtu ishin sekondat e fundit kur ish-sekretari i NATO-s, Avier Solana jep urdhrin që NATO-ja, të fillonte bombardimin e caqeve ushtarake serbe, për të shpëtuar një popull, ekzistenca e të cilit po rrezikohej kolektivisht.

Edhe tani, kur po zhvillohen negociatat Kosovë - Serbi, për të arritur një marrëveshje paqësore Kosovë - Serbi, dhe kur Serbia me çdo kusht po e kundërshton shtetësinë e Kosovës, pozita dhe opozita në vend që të dërgojnë një delegacion në Kongresin Amerikan dhe të takohen me Presidentin aktual Jeo Bieden, për të kërkuar pjesëmarrjen e tyre në këto negociata, po konfliktohen njëra me tjetrën, njëra si ta mbajë pushtetin e tjetra si të vijë në pushtet.

Kështu nuk i dilet zot Kosovës dhe është e pamundur të mbrohen interesat ligjitime të shtetit të Kosovës në raport me pretendimet territoriale të Serbisë kundër Kosovës dhe qëllimeve të saj kolonialiste ndaj Kosovës...

commentFirst article
Sot mund të lexoni Shfletoni kopertinat