Unë sot nuk ju dua

Opinione

Unë sot nuk ju dua

Nga: Kalosh Ҫeliku Më: 13 nëntor 2021 Në ora: 09:43
Kalosh Ҫeliku

Shteti i “përbashkët”, qe e ka ende në ballë edhe sot e kësaj dite vulën e Dexhallit me trumbeta në Librin e publikuar asaj kohe ”Trumbetat e Tellallit” (1992) me kalorësit e arratisur në “Bit-Pazar”, në Shkupin Historik Shqiptar me “manifestime kulturore e arsimore”, vit pas viti (tri herë me radhë i çliruar nga kryengritësit shqiptar, 1844, 1912 dhe 1945). Vite, kur “vëllezërit” e Njerkës pas lufte, i prisnin pushtuesit turq me dreka, darka, gra dhe cuca të reja “maqedonase”, sipas Aleksandar Matkovskit tek libri historik “Kryengritja e Dervish Carës” (Shkup, 1995). Edhe pse, kanë qenë si popull shumicë dhe janë shqiptarët, ende gërhasin në  gjumë. Njerka me ninulla komuniste dhe neokomuniste i përkund në djep me ninulla “demokratike”, ferexhenë e zezë dhe shami mbi kokë.

Ninullë, gjoja e Shtetit “përbashkët maqedonas” ish jugosllav komunist edhe, sot  fundekrye neokomunist Jugosllav i shokut Tito, që ende mbahet gjallë edhe sot e kësaj dite falë politikanëve të arratisur dhe dalldisur shqiptarë me “Din e Iman” në rolin e argatit “mysliman” komunist ndërkombëtar, sot neokomunistë. Që, “maqedonasit”: Duhet ta kenë të qartë, se: pa shqiptarët nuk ka “Maqedoni të Veriut”! Qoftë ajo, IRJ e Maqedonisë, ose Maqedoni e Veriut! Punë tjetër është ajo, se: Partitë Politike Neokomuniste Shqiptare dhe “maqedonase”, mund të bëjnë pazare politike me vetveten si Parti Politike Shqiptare dhe “maqedonase”. Populli Shqiptar, nuk ka bërë Dje, dhe as bënë Sot, pazare politike me “vëllezërit” e Njerkës Neokomuniste para kamerave televizive!

Im Atë, Emin Çeliku: shpeshherë ma përsëriste një porosi të tij familjare, pranë Oxhakut: Bir, ecë dy-tri hapa para! Dhe, kthe kokën mbrapa! Sytë e tu besnik në ballë, vetë të shohin, se: kush të vjen përmbrapa. Armiku, apo miku: Rrufjani, Hoxha i Allahut me Hojdodolen përkrahu me dy-tri kësula lecka në kokë, herë pas here si “mysliman” edhe me një shajkaçë fshehur nën sqetulla. Dudumi që gërhet për Liri. Apo, Skizofreni i shitur për një vend pune, banesë në Qeveri. Ose, Psikopati me një torbë taxhi përqafe në grazhd të “Kalit Shemës” pas porte. 

Historikisht, populli shqiptar në jetë i ka pasur dy popuj “miq vëllezër”  pushtues shekullor: turqit dhe serbët. Mos e them edhe Marrëveshjen Historike Shqiptaro-Bullgare. (“Shqipërisë Madhe”). Punë tjetër, se: a, u ka shërbyer këtyre dy “miqve besnik” deri në vdekje me të cilët është dashur edhe ta ndajnë Shtëpinë?! Armiq tradicional edhe sot e kësaj dite, që para dere na i kanë lënë kopilët e Njerkës: pashallarë, agallarë e vojvoda… Sejmenët e tyre përmbrapa, në sistemin komunist. Përveç, Fadil Hoxhës, edhe: kryetarit Shtetit Jugosllav (Sinan Hasani) me partizanët e tyre komunistë përmbrapa, ende pa Shtet Etnik Shqiptar me përjashtim të një eprori ushtarak të APJ me sejmenët e tij përmbrapa në Qeverinë e “Shpëtimtarit” të shqiptarëve. Poste politike, që sot nuk i kemi në Shtetin e Ri Neokomunist të “përbashkët” ish Jugosllav?! Dhe, as që na duhen me këto eksponentë të “vëllazërim-bashkimit”, për Ditën e Nesërme Shqiptare.

Dukuri shërbëtori (argati) nëpër shekuj, që edhe sot e kësaj dite nuk mund t’i heqim qafe si mallkim pas shpine të Perandorive pushtuese turko-sllave. Namë e Perandorisë Osmane: “Tradhtisë” Skënderbeut. Përderisa, “Vëllai” madh e ka “zaptuar” Shtëpinë e Babait. Arat, livadhet dhe malet… E, ne shqiptarët pas Partisë Komuniste dhe Neokoministe gjithë jetën e lume duke u besuar Partive Politike “demokratike’ dhe Neokomuniste Shqiptare e “maqedonase”, u morëm me ndarjen e lugëve, enëve dhe çajnikëve të çajit rusit me vite. Herët, që e kam thënë publikisht në shkrimet e mia publicistike, përveçse mjeteve të informacionit edhe në Libra publicistik për Nesër. Gjithë kohën u murrmë me shkolla e gjuhë shqipe, flamurin me Shqiponjën Dykrenore. Dhe, jo me Shtëpinë e Babait (Shtetin): Arat… Livadhet dhe malet… Sot, duhet t’i duartrokasim “Shtëpisë Publike” te Pragu i derës, në mes të Lëmës?!

Realitet, që ende jemi pa Shtëpinë e Babait (Shtet) i “përbashkët”, ara, livadhe… Dhe, male… Fatkeqësisht, Luftë “paqësore”, ende  bëjmë në këtë Shtet të “përbashkët demokratik” për ndarjen e lugëve, enëve dhe çajin e rusit… Arsye, që sot shqiptarët ende nuk duhet të merren me ndarjen e lugëve, enëve dhe çajnikëve të rusit. E, as të amerikanëve. Dhe, as të Bashkimit Evropian, po me ndarjen e Shtëpisë Shqiptare (Shtetit), rrëzë Kalasë Dardane Historike të kryengritësve shqiptar (1844).

Imzot, asaj kohe si i ri nuk e kuptoja thënien  e t’im Ati: Çka donte të thotë me këtë porosi të përditshme im Atë?! Natë-ditë, e vrisja mendjen, në shtëpi, shkollë e rrugë, zgjidh Porosinë e Madhe të t’im Ati mes librave natë-ditë mbi kokë. Herë pas here edhe i bija me dy grushta kokës. Ehu!… Patjetër, gjithsesi duhet ta zgjidh Porosinë e Babait!

Dhe, për çudi, sot habitem me disa politikanë dhe “analistë” politik me këmbët dhe trutë në legen në prehrin e partive politike. Dy-tre këshilltarëve “shqiptar” edhe në Qeverinë e “vëllazërim-bashkimit”. Për inat, në debate televizive, se: Shqiptarët duhet të ecin në jetë me kokën para, pa e kthyer mbrapa të shohin se, cili i ndjek hap pas hapi pas shpine?! Edhe, të ecin në Ditën e Sotshme Historike me kokën para pa e kthyer mbrapa pas shpine për Ditën e Nesërme?! Dalldisen pas të arriturave historike të Rilindëseve Shqiptarë të asaj kohe duke i përdhosur e përbaltur: me koncerte, këngë e valle trusakate. Pizi patetike dhe banale, para kamerave televizive duke e fotografuar veten para popullit shqiptar si politikanë, “intelektualë” dhe “analistë politik” me të “arritura” dhe “fitore” historike?!

Kohë, kur ato burra mali Rilindës dhe fushe fitoret i kanë manifestuar me pushkë dhe penë, arave dhe maleve shqiptare. E, jo nëpër sallone aristokrate sllave e bejlerë turke. Sot, siç i festojnë qafë për qafe partizanët e Partive Neokomuniste shtetërore, hotele e seli partiake, të shitur për një post partiak politik, një banesë, një vend pune… Ose, një torbë taxhi përqafe, në grazhdin e “Kalit Shemës” pas porfte. Kohë, kur ende arsimi dhe kultura shqiptare, nuk marrin lirisht frymë. Ngulfaten, nga partizanët gjysmanalfabetë të Partive Politike Shqiptare, dhe këtij Shteti të “përbashkët” neokomunist ish jugosllav. Përsëri, me këto dalldisje euforike festive plotë zhurmë arsimore dhe kulturore të shqiptarëve para ekraneve televizive, në shtetin e “përbashkët” duke vazhduar popullin shqiptar ta vënë në gjumë të thellë shekullor. Edhe pse, si “fitore” historike janë nën nivelin e Rilindëseve Shqiptar të asaj kohe, larg me shekuj.

Risi, e partizanëve të arratisur “kuqezi”, me këngë e valle, pizi e manifestime historike njëri përmbi tjetrin, nën sqetullat e partive politike shqiptare në pushtet e “opozitë”: Viti Historik i Skënderbeut, 28 Nëntori. Pavarësia e Shqipërisë dhe Alfabeti i Gjuhës Shqipe në Manastir, ende pa “Din e Iman”. Dhe, “Vatan” sipas Muhamedit a. s. Pejgameberit fundit, janë vetëm zhurma të dalldisura arsimore dhe kulturore shqiptare me veshje partiake për ta mbajtur veten gjallë si kalorës të arratisur në pushtetin e argatit politik, në Qeveri.

Për mëkeq, duke jetuar me shekuj me turqit dhe sllavët si “vëllezër” të nënave dhe baballarëve të Njerkave historike të pabarabartë, humbjet mu si ato i festojmë edhe sot e kësaj dite nën këmbët e tyre si “fitore”?! Aspak, pa i rënë kokës me të dy grushta: Pyesim veten si shqiptarë, pse deri më sot si popull Shqiptar mbetëm ende me shekuj në Robërinë e të njëjtëve pushtues historik shekullor (“vëllezërve” të Njerkës?! Argatë besnik të pushtuesve. Atdheut, copë-copë në disa shtete, në Historinë Shqiptare?! Mund të jetojmë bashkë në një Shtet, por vetëm me të drejta të barabarta si “vëllezër” në një Shtëpi (Shtet).

Popull i “lumtur”, sot jemi ne shqiptarët përtej kufiri shqiptaro-shqiptar?! Edhe presim të na çlirojnë nga robëria shekullore Amerika dhe Bashkimi Evropian?! E, ne nën hije, siç thoshte Çajupi i Madh në një vjershë tek vepra e tij patriotike atdhetare “Baba Tomorri” për burrat e Shqipërisë: Lozën nën hije kuvendojnë. Pika që su bie se, nga gratë rrojnë. Identike me kohën e sotshme, e them edhe Unë si autor i këtij shkrimi publicistik për Ditën e Nesërme, politikanëve shqiptar: Pika që s’u bie se, nga populli, Amerika dhe Bashkimi Evropian rrojnë.

Vetëm i hapni kanalet televizive, faqet e gazetave shqiptare: në Shqipëri, Kosovë, Mal të Zi, e në Maqedoninë e Veriut, ku para kamerave televizive fotografohen nateditë politikanë dhe “artistë” shqiptar partiak! “Analistë” politik me këmbët dhe trutë në legen. “Artistë” rrufjanë pa kokën e tyre në qafë, mos e them se e kanë te bytha.

 “Fitore” historike, ë?!. Këngë e valle me tupanë e çifteli. Pse, jo edhe me sharki?! Edhe, me dajre pa Nuse në Lëmë. Debate maratonike politike dhe “kulturore” para kamerave televizive. Popullin Shqiptar për ta vënë në gjumë edhe Sot e kësaj Dite. Gjithë jetën si popull shqiptar, e “vramë” turkun dhe “shkaun” me çifteli dhe pizi. Aqsa, në Ditën e Sotshme gjaku u derdh deri në gju, saqë u mbytë sot edhe Kali i Skënderbeut, në Tiranë, Prishtinë dhe Shkup.

Viti i Skënderbeut, edhe më i dalldisur dhe i arratisur me flamuj partiak “kuqezi”. “Skanderbegat”  e Fishtës, ende edhe në Ditën e Sotshme pa Shtet Shqiptar Etnik, arsim dhe kulturë shqiptare. Së paku të ishin në nivelin e Ministrit të asaj kohe arsimor, Ernest Koliqit. Fatkeqësisht, ende nën nivelin e Rilindëseve Shqiptar. Ministrit të arsimit të asaj kohe, Ernest Koliqi. Megjithatë, në këto manifestime historike e “kulturore” janë krah për krahu, dhe me “besë” para kamerave televizive. Edhe, fotografohen natë-ditë me gratë e tyre të mbuluara e zbuluara edhe politikanët anonim të arratisur e dalldisur pas posteve politike shqiptare, që nuk i njeh as nëna e tyre, e ku më populli shqiptar. E marrin guximin, fjalën për ta përshëndetur popullin shqiptar për “fitoret madhore” dhe “arritjet” e tyre historike.

Ditën e Nesërme, ende pa i hapur sytë si politikanë të arratisur dhe dalldisur shqiptar në Qeverinë e “vëllazërim-bashkimit’, përsëri: e gdhijnë veten në robërinë shekullore, duke fajësuar turkun dhe “shkaun” për Liri. E, jo vetveten si politikanë shqiptar. Edhe, përsëri bien në gjumin politik dimëror - shekullor me këmbët dhe trutë në legen.

Nëntorin e ardhshëm Historik, përsëri të zgjohen nga gjumi në zgjedhjet e ardhshme lokale dhe parlamentare. Dhe, një muaj me këngë e valle ta bëjnë “Shqipëri Etnike”. Gjithë vitin Shqipëri të hajdutëve e partive politike shqiptare. Shkupin ta “shpallin” Qytet Historik të Shqipërisë Etnike. Ditën e Nesërme, ta gëthijnë veten mes bërlloku në “Bit-Pazar”, që i ka mbuluar këmbe-kokë me vite në Robëri.

Sot, falë politikanëve tanë të arratisur dhe dalldisur me kokën para në Qeveri, e jo mbrapa (me “analistë” me këmbët dhe trutë në legen), duke vrapuar me të katra pas posteve politike dhe pasurive materiale personale, klanore e familjare, e zgjidha Enigmën e t’im Ati:  Bir, ecë dy-tri hapa para! Dhe, kthe kokën mbrapa!...

Im Atë, siç duket kishte qenë parashikues i madh i Ditës Nesërme Shqiptare. Kokë më kokë duke e kaluar Natën e Madhe me Rilindasët e asaj kohe Shqiptare. Misionin arsimor të Ministrit Arsimit Ernest Koliqi. Burrit, që asaj kohe i mbuloi me mësuese vullnetar të gjitha Trojet Etnike Shqiptare. Nuk e di ende, a e kam Unë si pasardhës i tij shkrimtar atë dhunti Hyjnore? Vërtet, e kam vështirë si shkrimtar. Dita e Sotshme, po na bind për atë Pasuri Historike Kombëtare. Falë Rilindëseve Shqiptar. Sot, euforinë dalldisëse “patriotike” rreth festave historike me kokën para, që nuk lanë pa e përdhosur asnjë festë historike, simbole kombëtare: Skënderbeun, Flamurin kombëtar me Shqiponjën Dykrenare, Alfabetin e Gjuhës Shqipe, plisin e bardhë… Dhe, së fundi edhe Besën Shqiptare. Nuk e di, a u ka mbetur më politikanëve shqiptar të arratisur, sot pa e përdhosur edhe ndonjë simbol kombëtar shqiptar?! Që, sot pa merita politike duan ta përvetësojnë këto kalorës të arratisur politik shqiptar edhe Luftën me armë e penë të Rilindëseve Shqiptar për ta mbajtur veten ende gjallë në skenën politike?!

Politikanët e sotshëm, të arratisur dhe dalldsisur pas posteve politike nateditë para kamerave televizive, që i kanë përvetësuar si “fitore” të arriturat luftarake, arsimore dhe kulturore të Rilindëseve Shqiptar, dhe dalin sot para syve të popullit shqiptar me ferexhe të zeza dhe pa turp fare në mjetet e informacionit dhe Facebook, që mjerisht janë me të dyja këmbët dhe trutë në legen. Kohë, kur: Sot, shqiptarët kokën duhet ta kenë përpara dhe Trutë në kokë Rrugës malore, dhiareve për në Baba Tomorr.

Herë pas here, patjetër kokën ta kthejmë edhe mbrapa! Sytë, dhe Trurin. E, jo bythën: që, nuk shikon pas shpine, as në Lëmë përpara Shtëpisë Publike!... 

commentFirst article
Sot mund të lexoni Shfletoni kopertinat