Sali Berisha dhe “fitorja e tij e Pirros”

Opinione

Sali Berisha dhe “fitorja e tij e Pirros”

Nga: Dibran Demaku Më: 13 nëntor 2021 Në ora: 13:42
Dibran Demaku

Sali Berisha, ish kryeminisër dhe ish president i Shqipërisë,në moshë të shtyer fizike dhe mendore po bën përpjekjen e tij mbase të fundit jetësore që të rikthehet në skenën politike duke i keqpërdorur në mënyrën më të keqe ata që i shkojnë prapa, duke i gënjyer se ai po kthehet në politikë për të mirën e vendit. Ndërkaq e vërteta është krejt tjetër: ai me lëvizjen e tij të fundit po mundohet që ta lajë fytyrën e tij të nxirë nga Dash-i amerikan.

Është thënë shumëherë se Saliu është i tmerrshëm dhe i pakompromis ndaj atyre që në çfarëdo mënyre i nxjerrin të palarat në shesh.Ai,pra Saliu për të mbrojtur vetën e tij(i mësuar të besojë në vetëvete)se është i gjithëdijshëm dhe i paprekshëm, është në gjendje që t’u shpallë luftë edhe vetë Shteteve të Bashkuara të Amerikës!

Edhe pse e di se luftën e ka të humbur pa e nisur fare e ka të humbur, ai do ta qetësojë egon e tij të sëmurë dhe të mbetët në histori si i vetmi që i ka shpallë luftë vendit më të fortë aktualisht të botës.
 

Dhe derisa akti i tij(akt i një personi të tejplakur,që mbase nuk është në gjendje të përcaktojë në këtë çast të mirën dhe të keqen) ai i prekur në sedër mbase është në gjendje të ju shpallë luftë edhe diellit e hënës apo yjeve që janë aq larg dhe s’i arrinë dot. E tëra kjo përpjekje e tij,është një përpjekje prej të dëshpëruari,për ta qetësuar egon e lënduar,dhe mbase në njëfarë mase edhe nga dikush mund të mirëkuptohet, sa i përket atij vetë,por ajo që nuk mund të mirëkuptohet është përkrahja e atyre që i shkojnë prapa! Dhe në atë masën që i shkojnë prapa ka plotë e përplotë deputetë të së shkuarës dhe të tashmës,që llogarisin në interesat e tyre, pa ju bërë vonë të mendojnë me kokat e tyre se me këtë rrugë ku kanë hyrë do të fitojë vende të merituara qesharake si në anekdotat e Nasradinit,apo të Don Kishotit të Servantesit!

Në gjithë këtë zhurmë të krijuar nga një i dëshpëruar me sedër të lënduar, bie në sy mospjesëmarrja në gjithë këtë marrëzi e ish kryetares së Kuvendit zonjës Jozefina Topallit, përndryshe dikur simpatizuesja më e flaktë e Berishës. Mbase zonja Topalli e ka kuptuar që në fillim se kjo përpjekje e Saliut nuk është asgjë tjetër vetëm një “luftë” e Don Kishotit me mullinjtë e erës!

Mbase Sali Berisha edhe mund të “fitojë”,sepse në vendin e shqiptarëve dhe të shqiponjave gjithçka është e mundur,por në historinë e kombit fitorja e tij do të mund të quhej si”Fitorja e Pirros”!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat