Masat urgjente janë të pashmangshme

Opinione

Masat urgjente janë të pashmangshme

Nga: Lirim Gashi Më: 24 nëntor 2021 Në ora: 17:23
Lirim Gashi

Merrni masa urgjente sepse nuk ju kemi zgjedhur që t'ju adhurojmë sikur të ishit guru të besimtarëve hindus.

Është turp që Kosova që fle mbi thëngjill importon rrymë.

E di që ju nuk keni faj për situatën, por punësoni njerëz që nxjerrin qymyr nëse është nevoja me lopata, sepse çmimi i qymyrit është shumë i lartë në tregjet botërore, ndërsa ne kemi aq shumë qymyr saqë sikur të eksportonim në harmoni me resurset që i kemi do të shkaktonin kollaps ekologjik global.

Unë e urrej qymyrin po aq sa djallin por në këtë krizë emergjente nuk kemi alternativë tjetër.

Kuptojeni një herë e përgjithmonë:

Vetëm vendimet e guximshme ndihmojnë në këtë krizë globale energjetike dhe pandemike.

Nuk është turp të pezullohet përkohësisht tatimi mbi vlerën e shtuar (TVSH) në shitjen e mallrave sepse rezulton me çmime më të ulëta dhe konsum më të lartë.

Sepse konsumi i shtuar kompenson paratë që ju mungojnë nga pezullimi i përkohshëm i vlerës së shtuar.

Sepse ato para mbeten në qarkullim në Kosovë.

Si kundër-masë mund t'i pezulloni përkohësisht akcizat e dyfishta dhe në këtë mënyrë ta bëni më të lirë importin e mallrave.

Sepse mallrat e importuara me çmime më të lira mund të shiten më lirë.

Pyes veten pse paguani këshilltarët ekonomik dhe financiarë kur ata nuk po e bëjnë punën e tyre siç duhet.

Vetëm për të ulur numrin e të papunëve me paratë e taksapaguesve?

Ku mund të demonstrohen dhe promovohen më mirë vlerat e demokracisë sociale sesa në kohë krizash lokale dhe globale?

Pse nuk e shihni krizën si një shans për të dalë nga korja e politikës që nuk i ngjan as mishit as peshkut?

Pse po tregoni tani që nuk keni mjaft ekspertë dhe jo kur kërkuat votat e qytetarëve.

Çfarë është një iluzion optik nëse jo ky veprim?

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat