Rama, katalog pyetjesh për qytetarët!

Opinione

Rama, katalog pyetjesh për qytetarët!

Sherif Ramabaja Nga Sherif Ramabaja Më 28 janar 2022 Në ora: 18:24
Edi Rama

Strategjia e kryeministrit shqiptar ka qenë është dhe do të jetë, komunikimi i hapur me qytetarët.

Kjo strategji e ka mbajtur në pushtet, vazhdon ta mbaj dhe kështu mendon të vazhdoi tutje, sepse karriga atij i është ngjitur për shpine.

Opozita e akuzon se një strategji e tillë është formalitet, sepse ai udhëheq me një prpgram të tillë propagandues që është i njohur nga ideologjitë komuniste, diktatorët dhe deri te autokratët e ditëve të sotme.

Strategjia është e instaluar, dikush duhet të kujdeset dhe ta udhëheq, të tjerat janë të programuara, sepse gjithçka dirigjohet.

Nuk ka rëndësi sa është interesimi apo pjesëmarrja e publikut, sepse shifrat manipulohen ashtu siç dëshiron qendra komanduese.

Rezultatet paraqiten në tavolinë si për zgjedhjet ashtu për gjithçka tjetër, me rëndësi është komunikimi me masat që t´i drejtosh (manipulosh).

Xhevahiri më i ri i kryeministrit është, katalogu për t´i pyetur qytetarët: në sa ora hani mëngjes, pastaj kur bini në gjumë, çkeni ëndërruar, apo sa herë dilni natën në WC për të urinuar.

Një pyetje e rastësishme mund të jetë, sa herë në javë bëni seks. Për të rinjtë mund të parashtrohet pyetja se çka duan të bëhen në jetë: sa duan që ta kenë rrogën, sa fëmijë duan t´i kenë, apo kur keni vendosur që ta braktisni Shqipërinë.

Të gjitha këto dëshira ua plotëson, kush tjetër përpos kryeministri i juaj Rama.

Ne flasim, komunikojmë me rrjetet soziale, diskutojmë dhe bëjmë plane mes vete, por unë kujdesem për ju dhe marr vendime, së bashku me vëllezërit e mi tashmë të konfirmuar në arenën ndërkombëtare.

Një nga pyetjet kryesore që pothuaj e kisha harruar do të ishte, si dhe ku ta luftojmë korrupcionin. Më thoni dhe mi vizatoni emrat e atyre që merren me këtë profesion, të tjerat mi lini mua.

Pastaj pyetja në vijim mund të jetë si e doni Shqipërinë, kopsht me lule apo lypëse në EU.

Duke qenë transparent, po ashtu mund t´ju pyes për bravat e derës, ku t´i vendosim, çfarë kualiteti dhe çfarë forme të kenë. Unë dua ta fitoi besimin tuaj, që të jem kryeministër i suksesshëm.

Më në fund dua një kryetar shteti të aftë, të cilin shqiptarët e duan e respektojnë dhe e çmojnë si kryetar republike, sepse ju e patë dhe e përjetuat vetë Metën se çfarë ishte./Shkrim satirik

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat