Tirana e mbushur me mbeturina, bashkia tender pa garë për stola e kosha dekorativë

Tirana

Tirana e mbushur me mbeturina, bashkia tender pa garë për stola e kosha dekorativë

Më: 28 mars 2021 Në ora: 13:31
Tiranë

Ndonëse shpeshherë është denoncuar se kryeqyteti e nis dhe mbyll javën i zhytur nga mbeturinat dhe nuk shqetësohet askush për marrjen e masave, tenderat për blerjen apo mirëmbajtjen e stolave dhe koshave dekorativë, apo të tjera objektesh luksi nuk ndalen.

Së fundmi, Drejtoria e Përgjithshme e Pastrimit dhe Gjelbërimit Tiranë ka zhvilluar dy procedura me një fond limit prej 37.4 milionë lekësh.

Qëllimi ka qenë për shpenzime pastrimi dhe mirëmbajtje e koshave dhe stolave dekorative.

Sipas dokumenteve në garë ka marrë pjesë vetëm subjekti Gerdard A që është shpallur automatikisht edhe fituesi.

Edhe Open Data i ka shënuar të dy rastet e zhvilluar me flamur të kuq me shënimin mungesë konkurrence.

Kjo kompani prej vitit 2018 rezulton të ketë nënshkruar 14 kontrata me bashkinë e Tiranës me një vlerë prej më shumë se 273 milionë lekësh të reja pa TVSH.

Së bashku me dy prokurimet e fundit, 7 prej tyre tenderave lidhen pikërisht me stolat dhe koshat.

Gerard A sh.p.k ka shtuar në aktivitetin e tij në tetor të vitit 2018 mirëmbajtjen e këtyre objekteve dhe është shpallur fitues i një tenderi nga Veliaj 5 muaj më pas.

Edhe pse jemi në kohën kur kërkohen më shumë fonde për përballimin e situatës së krijuar nga koronavirusi, Bashkia e Tiranës nuk preferon të rishikojë financimet por të vijojë me tenderat luksozë.

Sot mund të lexoni Shfletoni kopertinat