Një kompani farmaceutike keniane, “Universal Corporation Limited”, është bërë prodhuesi i parë në Afrikë që ka marrë garancinë e cilësisë së Organizatës Botërore të Shëndetësisë për një ilaç që shpëton jetën nga malaria.
Ilaçi antimalarial, sulfadoksina-pirimetamina plus amodiaquine (Spaq), përdoret shpesh për të parandaluar malarinë sezonale tek fëmijët gjatë muajve të periudhave kulmore të transmetimit, siç janë stinët me shi. Më parë, kërkesa për barna të tilla si Spaq në Afrikë është plotësuar përmes importimit të versioneve gjenerike të ilaçit nga India dhe Kina.
“Ky parakualifikim i OBSH-së është një hap i rëndësishëm drejt reduktimit të mbështetjes së tepërt në barnat e importuara dhe forcimit të vetë mjaftueshmërisë së Afrikës në ofrimin e zgjidhjeve thelbësore të kujdesit shëndetësor”, tha Perviz Dhanani, drejtor menaxhues në Universal Corporation Limited, shkruan Guardian..
Më shumë se 70 për qind e barnave të përdorura në Afrikë importohen dhe vetëm gjashtë nga qindra kompani farmaceutike në Afrikë janë të “para kualifikuara” nga OBSH-ja.
