Grupet e krimit të organizuar që nxitën një “shpërthim” të qendrave të trafikimit të qenieve njerëzore dhe mashtrimeve kibernetike gjatë pandemisë janë zgjeruar nga Azia Juglindore në një rrjet global që arrin deri në 3 trilionë dollarë në vit, tha të mërkurën kreu i Interpolit.
“Të shtyrë nga anonimiteti në internet, të frymëzuar nga modelet e reja të biznesit dhe të përshpejtuara nga COVID, këto grupe të krimit të organizuar po punojnë tani në një shkallë që ishte e paimagjinueshme një dekadë më parë,” tha sekretari i përgjithshëm i Interpolit, Jurgen Stock, në një konferencë.
“Ajo që filloi si një kërcënim rajonal i krimit në Azinë Juglindore është kthyer në një krizë globale të trafikimit të qenieve njerëzore, me miliona viktima, si në qendrat e mashtrimit kibernetik ashtu edhe si objektiva”.
Qendrat e reja të mashtrimit kibernetik, shpesh të pajisura me staf të pavullnetshëm të trafikuar me premtimin e vendeve të punës legjitime, kishin ndihmuar grupet e krimit të organizuar të diversifikonin të ardhurat e tyre nga trafiku i drogës, tha Stock.
Bizneset e trafikut të drogës ende kontribuojnë me 40% deri në 70% të të ardhurave të grupeve kriminale, tha ai, shkruan Reuters
