Nga LDK kërkojnë dorëheqjen ministrit Xhelal Sveçla

Aktuale

Nga LDK kërkojnë dorëheqjen ministrit Xhelal Sveçla

Më: 3 dhjetor 2022 Në ora: 17:31
Xhelal Sveçla

Zëdhënësja e LDK-së, Sibel Halimi, ka mirëpritur suspendimin e zyrtarëve policorë që nuk e kryen detyrën, zbatimin e urdhrit të mbrojtjes për gruan e ekzekutuar mizorisht në oborrin e QKUK-së.

Megjithatë, ajo ka bërë me dije se vetëm ky veprim nuk mjafton.

Në profilin e saj në “Facebook”, ajo ka shkruar se bashkë me policët duhet të largohet edhe ministrit i Punëve të Brendshme, Xhelal Sveçla.

“Zinxhiri i shkarkimeve duhet të shkoj deri në fund. Është padyshim lajm i mirë suspendimi i zyrtarëve policorë që nuk e kryen detyrën, zbatimin e urdhërit të mbrojtjes për gruan e ekzekutuar mizorisht në oborrin e QKUK-së. Mirëpo kjo nuk mjafton. Bashkë me ta, duhet të shkojë edhe eprori i tyre, Ministri i Brendshëm. Kjo duhet të ndodh së paku si akt moral, nëse jo për tjetër. Gruaja që u privua nga jeta bashkë me foshnjën e saj, ishte e shtrirë në një institucion publik shëndetësor. Pra, ishte nën përkujdesjen e shtetit që dështoi ta mbronte atë. Ky dështim i pafalshëm dhe me pasoja fatale, nuk mund të kalojë me disa dorëheqje në fundin e zinxhirit komandues, pa ndodhur ato edhe në krye të tij”, ka shkruar Halimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat