Ambasadori i Shteteve të Bashkuara të Amerikës në Bashkimin Evropian, Mark Gitenstein, ka bërë të ditur se sot gjatë ditës është takuar me ambasadorin e Kosovës në Bruksel, Agron Bajrami.
Ai, me anë të një cicërime në Twitter, ka theksuar se Bajramin e ka përgëzuar për veprimin e Kosovës për të shkuar një hap para, sipas tij, në normalizimin e marrëdhënieve me Serbinë.
Kjo duke e pasur fjalën për zhvillimet e fundit në aneksin për zbatimin e propozimit evropian në kuadër të dialogut.
“E ritheksova rëndësinë që Kosova të zbatojë marrëveshjen dhe të përparojë në rrugën e saj drejt BE-së”, ka shkruar Gitenstein.
