Analisti Ben Andoni tha në një intervistë për Euronews Albania se ata që humbin më shumë nga bojkotimi i zgjedhjeve në veri janë serbët e Kosovës.
Sipas tij Kosova duhet të përmbushë detyrimin e vet dhe të tregojë predispozitë duke dërguar në Kushtetuese draftin për asociacioni.
“Edhe pas asociacionit serbët do nxjerrin diçka tjetër.
Kosova i ka kërkuar Serbisë të heqë strukturat paralele, që është diçka e pamundur për mënyrën si funksionin Serbia, ndaj autoritetet gjermane i kanë kërkuar që të paktën Kosova deri në 16 maj, draftin ta depozitojë në Gjykatën e vet Kushtetuese, një hap që tregon se e ka predispozitë duke plotësuar detyrimin e vet. Me atë që ndodhi të dielën humbësit më të mëdhenj janë serbët e Kosovës, që kanë probleme të jashtëzakonshme, mjafton të kujtoni presionin që iu bëhet nga strukturat paralele të Serbisë”, tha ai.
