Kryenegociatori Petar Petkoviq ka folur për media pas raundit të gjashtë të dialogut Kosovë-Serbi në Bruksel.
Ai ka thënë se bisedimet ishin të vështira dhe të tensionuara dhe se nuk është optimist për zgjidhjen e situatës, pasi “nuk ka vullnet politik nga ana e Prishtina të zgjidhë problemet”.
Petkoviq ka theksuar se serbët po “pësojnë” më së shumti nga vendimi për ndalimin e dinarit.
“Për hir të këtyre njerëzve tanë, ne po luftojmë për të ruajtur dinjitetin e jetës së tyre, për të siguruar vazhdimësinë e financimit dhe sigurimin e të gjitha të ardhurave të Serbisë për popullin tonë në Kosovë dhe këtë do ta bëjmë edhe në periudhën e ardhshme”, tha Petkoviq.
Petkoviq theksoi se pala serbe do të vazhdojë të insistojë në themelimin e asociacionit.
I pyetur nga gazetarët për propozimet e Miroslav Lajçak, Petkoviq u përgjigj se pala serbe do të del me komentet e saj për disa ide të reja të paraqitura nga Lajçak deri në raundin e ardhshëm të dialogut më 13 maj.
Ai tha se shpreson që më 13 maj të ketë përparim, por kjo “nuk varet nga Beogradi, i cili ka treguar konstruktivitet dhe se është e qartë për të gjithë se problemi është në Prishtinë”.
