Komuna e Podujevës së bashku me Ministrin e Mjedisit, Planifikimit Hapësinor dhe Infrastrukturës kanë nënshkruar memorandum bashkëpunimi në vlerë mbi 1 milionë euro.
Kështu ka bërë të ditur në një faqe zyrtare Komuna e Podujevës.
“Rikonstruimi dhe rehabilitimi i rrugës “Dëshmorët Babatinca” në vlerë prej 537 mijë euro.
Ndërtimi dhe asfaltimi i rrugës lidhëse Sfeçël-Dumosh në vlerë prej 159 mijë euro.
Ndërtimi dhe asfaltimi i rrugës lidhëse Bradash-Dobratin në vlerë financiare 155,500.00 euro.
Ndërtimi dhe asfaltimi i rrugës lidhëse nga gurthyesi deri në rrugën Sahit Llalloshi, në vlerë prej 185,150.00 euro”, thuhet në njoftim.
Ndërsa, pas nënshkrimit të marrëveshjes, Kryetari i Podujevës, Shpejtim Bulliqi bashkë me Ministrin e Mjedisit, Liburn Aliu kanë vizituar punimet që po realizohen në teren dhe ato që do të realizohen në bashkëpunim me MMPHI.
